Klezia ekungubagidde Hon. Bitamazire

Omubaka wa Paapa, Ssabasumba Dr. Augustine Kasujja atenderezza omugenzi Hon. Geraldine Namirembe Bitamazire olw’obuweereza bwe obw’ettendo, bw’akoledde mu Klezia n’eggwanga. Y’ategeezeezza nti Hon Bitamazire abadde Mukristu omugundiivu, era nga Abasaserdooti bonna abakoledde mu bigo by’azze abeeramu, b’amwogerako bulungi.

Abakungubazi nga bateeka ekimuli ku kkeesi y'omugenzi

Y’amusiimye n’okugunjula obukungi abaana, n’anokolayo Polofeesa Dr. Edrin Kyamanywa nga kati ye Vice-Chancellor wa Uganda Martyrs University Nkozi, ng’omu kubaanaabe abateeketeeke obulungi.

:Klezia ggwe wamma efiiriddwa Omukristu waayo omugundiivu. Ate n’eggwanga lyaffe Uganda lifiiriddwa nnyo. Omugenzi ono Namirembe Bitamazire abadde ayagala nnyo ensi ye, era agyiweerezza bulungi nga omusomesa, ate oluvannyuma nga minista w’eby’enjigiriza.

Y’alijo n’omubaka omukyala owa Mpigi disitulikiti nu lukiiko lw’eggwanga, era ya;olp Vice-Chancellor wa Uganda Management Institute. Emirmo gye azze agyikola bulungi, mukwagala, mubwesigwa, n’obwesimbu. Tumulabireko,” Omubaka wa Paapa Dr. Augustine Kasujja bweyategeezezza.

Aba Famire nga bateeka ekimuli ku kkeesi y'omugenzi

Yabadde ayigiriza mu mmisa ey’okusabira omugenzi, mu Lutikko e Lubaga ku Lwokubiri. Missa eno yagyiyimbidde wamu ne Viika Genero Msgr. Rogers Kabuye Mukasa, Bwanamukulu wa Lutikko Fr. Achilles Mayanja, Ssabawandiisi w’olukiko lw’Abepiskoopi ba Uganda Msgr. John Baptist Kauta, n’Abasaserdooti abalala bangi.

Mububaka bwe bweyatisse Commissioner wa Basic Education, Cleophas Mugenyi, minista omubeezi ow’eby’enjigiriza ebyawaggulu, Dr. John Chrysostom Muyingo naye y‘atenderezza Hon. Bitamazire olw’ettoffaali eddene ly’eyateeka kubyenjigiriza. Yamutenderezza olwakaweefube gweyakola okulaba ng’abaana beggwanga bonna basoma, ng’asomesa abantu enkola ya gavumenti eya UPE, era n’okugyiteekesa mu nkola. Yaweerezza amabugo ga bukadde bwansimbi za Uganda 5.

Prof. Dr. Edrin Kyamwanywa eyayogedde kulwa baana, nnyiza y’amwogeddeko nga omuzadde omulungi, eyayagala buli mwanawe mu ngeri ey’enjawulo, era n’amuyamba okubeera omuntu ow’omugaso.

Eng' Badru Kiggundu nayo abaddewo mu kusabira omugenzi Bitamazire

Abantu ab’enjawulo n’ebitongole eby’enjawulo, byaweeerzza obubaka obukubagiza. Obumu kububaka bwavudde mu wofiisi ya Pulezidenti, nga bwaweerezeddwa omukulu Yunus Kakande, ngabwajjiddeko n’amabugo ga bukadde 50.

Ssabasumba w’essaza ekulu ery’e Kampala, Paulo Ssemogerere naye y’atweerezza obubaka obukubagiza, era natendereza nnyo omugenzi.

Hon. Bitamazire nga bw'abadde afaanana

 Abanene bangi abeetabye mu misa eno, nga kwabaddeko n’abakungu ba UMI nga Dr.James Nkata, n’Omuserikale wa Paapa Saturninus kasozi Mulindawa. Abalala kw’abaddeko Ssenkaggale wa Centenary Bank Dr. Fabian Kasi, Prof. Badru Kiggundu, Ssenkaggale wa National Council for Higher Education Prof. Mary Okwakol, Vice-Chancellor wa University pf Kizubi Bro. DEO Mugema, Omuserikale wa Paapa Francis Xavier Lubagaga, n’abalala bangi.

Omugenzi Hon. Namirembe Bitamazire aziikwa leero e Kibuggu-Masaakwa, mu Butambala. Emikolo gyakutandika ne mmisa ku ssaawa 4