Kabaka asaasidde ab’enju ya Joyce Mpanga

Bya Dickson Kulumba

KABAKA Mutebi II yeeba­zizza omugenzi Joyce Mpanga olw’okumubeererawo wamu n’abooluganda lwe mu kiseera Ssekabaka Muteesa II ng’akisizza omukono e Bungereza gye yali mu buwang’anguse.

Bino bibadde mu kusaba okwategekeddwa mu Lutikko e Namirembe eggulo nga kwakulembeddwa Ssaabalabirizi Dr. Kazimba Mugalu.

“Nzijjukira bulungi mu biseera eby’akazigizi mu kiseera ekyo nga nnina emyaka 14 so nga ne baganda bange nabo baali bakyali mu myaka mito. Ye n’omwami we Fred Mpanga baakola kinene okulaba nga tetutuusibwako bulabe.”

“..Mu budde obwo obwaka­zigizigi, baakola ebintu ebi­kulu bisatu okuli; Okutereka n’okukweka butiribiri enjole ya Ssekabaka Muteesa II okulaba ng’abalabe be tebagituukako. Ate baakola kinene okulaba nga nkola emikolo gy’okubikka akabugo, okukakasa nti omuliro ogwali guzikidde nga guddamu okwaka.

Gavumenti ya Obote bwe yaggyibwako, yeetaba mu nteeseganya ne gavumenti ya Amin okulaba ng’enjole ya Sseka­baka Muteesa II ekomezebwawo era n’eterekebwa mu kitiibwa,” Kabaka bwe yagasseeko mu bubaka obwamusomeddwa Nnaalinya Sarah Kagere.

Ku lulwe, Kagere yajjukidde omukwano omugenzi gwe yabalaga nga kitaabwe Sseka­baka Muteesa II akisizza omu­kono n’engeri gye yamuteeka­teekamu okugumira embeera ey’okukungubaga kuba yali tagendangako mu lumbe, wadde okulaba ku mufu!

Gavumenti eya wakati yakik­kiriddwa Minisita omubeezi ow’empuliziganya, Joyce Nabbosa Ssebuggwawo nga yategeezezza nga gavumenti bwe yasazeewo okutwala eby’okuziika era waaku­kubirwa emizinga esatu.

Kabineeti ya Kabaka yakiik­kiriddwa Katikkiro wa Buganda Waggwa Nsibirwa.

Nnaabagereka Nagginda yeebaziz­za omugenzi ng’eyamuwa amaanyi. okuwandiika ekitabo kye yafu­lumya mu March 2023 oluvannyuma lwa Mpanga okuwandiika ekikye mu 2019 era n’asaba Nnabager­eka akiwandiikire ennyanjula.

 KATIKKIRO E LUNGUJJA

Katikkiro Charles Peter Mayiga nga mu kiseera kino ali mu luwummula yagenze mu maka g’omugenzi e Lun­gujja okubasaasira nga yabadde ne mukyala we, Mar­garet Mayiga.

Yategeezezza nti obulamu bwa Mpanga buwadde ebyokula­birako bingi eri abantu okuli abazadde okuwa omukisa abaana baabwe kyenkanyi awatali kwawulamu mulenzi oba muwala ate era ne bu­laga nti abafumbo bombi mu maka basaanye okuwa­giragana.  Joyce Mpanga aziikibwa leero ku biggya bya bajjaj­jabe e Maya - Busiro