Gen. Muntu asiimye Pulezidenti Museveni okuggya amagye ku nnyanja

 

Kino kyadiridde Pulezidenti Museveni okusattulula akakiiko k'Amagye akabadde kassibwa ku Nnyanja okulwanyisa envuba embi abavubi kebaludde nga bemulugunyako okubawambako Ennyanja n'okubatulugunya.

 

Muntu bw'abadde asaggula akalulu e Mbale,yasiimye abavubi olw'okubeera abamalirivu ne berwanako ne batatya kugamba ku gavumenti nti amagye geyassa ku Nnyanja okulwanyisa envuba embi nti ate gabanyigiriza bunyigiriza n'asaba ne Bannayuganda abalala yonna gyebali obutatya kusitulanga maloboozi gaabwe ku nsonga ezibanyigiriza.

 

Eno Muntu asiimye Pulezidenti Museveni olw'okuwuliriza okwemulugunya kw'abalunnyanja n'asalawo okujja Amagye ku Nnyanja n'ategeeza nti ateekwa okuddayo ku nnono ezabatwala mu Nsiko okulwanyisa Obote awulirizenga Bannayuganda era akole ku bizibu byabwe awatali kubalinnyirira.

 

Muntu agambye nti singa Museveni yeyambisa ebbanga lino ly'asigazza mu Ntebe okutuuka mu kulonda okugonjoola ebizibu ebiruma Bannayuganda omuli;Ebbula ly'Eddagala mu Malwaliro,Enguzi n'ebirala nti bw'abikola akalulu ne bwekaba kamukubye Bannayuganda baakusigala nga bamuwa ekitiibwa nga eyaliko omukulembeze w'e Ggwanga.

 

Mu ngeri y'emu Muntu alabudde ku bubbi bw'obululu n'asaba bonna abakwatibwako obutetantala kubba bululu baleke Bannayuganda balonde mu mirembe.

 

Abantu b'e Mbale,balajanidde Muntu ku bizibu omuli;Eddagala mu Malwaliro,Amasomero n'ebiralala n'abasaba bamulonde abikoleko.

 

Muntu era asuubizza abantu b'e Mbale nti bw'akwata obuyinza wakwongera okuvujjirira Bugisu Cooperative Union okuyamba abalimi b'Emmwanyi okusobola