Abawagizi b'abeesimbyewo basabiddwa okujaganya obuwanguzi n'obwegendereza

POLIISI mu Kampala, eyongedde okulabula abawagizi b'abeesimbyewo okuvuganya ku bifo eby'enjawulo mu kulonda kwa leero, okwongera okukuuma emirembe nti kuba eby'okwerinda binywezeddwa.

Mu ngeri y'emu era,  babasabye ng'okulonda kuwedde, okujaganya obuwanguzi n'obwegendereza , nga beewala ebikolwa ebyefujjo.

Omwogezi wa poliisi mu Kampala, Racheal Kawala, ategeezezza nti abantu basaanye okwerondera abakulembeze baabwe be baagala nga tewali kutiisibwatiisibwa wadde okubakolako efujjo.

Abasabye okwewala okwokya ebipiira ku nguudo nga bajaganya n'okuvuga obubi ebidduka nti oyo gwe banaakwatako, waakukisasulirira.