Edduwa ya Ssegirinnya eyongedde okutema mu NUP

EBYOBUFUZI byongedde okuleetawo oluwonko wakati  w’ekibiina kya National Unity
Platform (NUP) ne ffamire y’omugenzi Muhammad Ssegirinya, ng’entabwe eva ku kibiina okumma Muhammad Luswa Luwemba kaadi mu kuvuganya kalulu k’e Kawempe.
Enjawukana zino mu kusoma  dduwa y’omugenzi Ssegirinya ey’amakumi 40 ku Ssande,
bwe baategese dduwa bbiri ez’enjawulo nga bwe kyali mu kuziika bwe baakuma ennyimbe bbiri. Edduwa eyasoose, yeetabiddwaamu aba NUP abaakulembeddwaam saabawandiisi w’ekibiina Lewis Rubongoya,  Francis Zaake n’abeesimbyewo
mu Kawempe okwabadde Luyimbaazi Nalukoola ne Moses Nsereko nga yabaddewo ku ssaawa mukaaga ez’emisana.
Oluvannyuma aba ffamire nga bakulembeddwaamu Luwemba ne Maama wa Ssegirinya,
Justine Nakajumba nabo baasomye eyaabwe ku ssaawa 9:00 ez’akawungeezi ne bata akaka eri NUP olw’okumma Luwembakaadi mu kalulu k’e Kawempe. Nakajumba yagambye nti omutima gwe gwennyika NUP bwe yategeka dibeeti n’ekigendererwa
eky’okuggyamu Luwemba eram n’okutuusa kati akyali munyiivu. Yasabye Bannakawempe okuleka eby’ebibiina, balonde Luwemba kuba ye gw’ategeera ate ne Ssegirinya myali amuwuliriramu nnyo. Wadde nga maama wa Ssegirinya yalaze obunyiivu bwe eri NUP, ye Rubongoya yeeyamye nti ekibiina kigenda kusigala kisakira
abaana ba Ssegirinya obuyambi kuba omugenzi yali mmemba waabwe mulungi.
Nalukoola yagambye nti alina ekirowoozo eky’okutandikawo ekittavvu ekinabbulwamu omugenzi Ssegirinya nga bakiyita ‘Muhammad Ssegirinya Health Fund’ okusobola
okudduukirira abantu mu by’obujjanjabi ku bwereere, nga
ekirooto kya Ssegirinya bwe kyali. Ssegirinya yafa ng’ekisanja kye tekinnaggwaako,  luvannyuma lw’okusibwa mu kkomera n’okulwalira ebbanga eddene era akakiiko k’ebyokulonda kaategese akalulu k’okujjuza ekifo kino nga March 13, 2025. Abantu 10 be bavuganya okumuddira mu bigere