Omuliro gwokezza bu kiyosiki bw'abasuubuzi e Ntinda ebintu bya bukadde ne bibengeya

Abasuubuzi abawerako e Ntinda ,bali mu maziga, oluvannyuma lw'omuliro okukwata obuyumba mwe babadde bakolera, ebintu ebiwerako ne bisaanawo.

Kiosks eziyidde, zibadde Ntinda ku luguudo oludda e Kiwatule mu Kinnawattaka mu muluka gw'e Bukoto 2 mu munisipaali y'e Nakawa mu Kampala, era ebintu ebibalirwa eyo mu bukadde bisaanyeewo.

Muno mulimu ababadde batundiramu caayi, ebirabo by'emmere, abatunzi n'abatunda engoye n'ebintu ebirala bingi era abazinyamoto , we batuukidde nga bimaze okubengeyeza mu muliro.

Amyuka omwogezi wa poliisi mu Kampala, Luke Owoyesigyire agambye nti bali mu kunoonyereza ku kiki ekiyinza okuba nga kye kyavuddeko omuliro guno okubaawo.