'Bannalotale mutwegatteko okudduukirira omulimu gw'okuzimba lutikko y'e Mukono'

AKULIRA ekitongole ekirwanirira eddembe ly'obuntu, ekya Foundation for Human Rights Initiative, Dr Livingstone Sewanyana asabye bannalotale okumwegattako okudduukirira omulimu gw'okuzimba lutikko y'e Mukono.

Dr. Ssewanyana okusaba kuno akukoledde ku Colline Hotel e Mukono, bw'abadde ku mukolo gw'okutuuza bapulezidenti basatu okubadde; Mooli Albert Sibuta owa Rotary club ya Mukono,  Catherine Hope Atim owa Rotaract UCU, ne Kisira Jonathan owa Mukono Rotaract club.

Ssewanyana agambye nti lutikko y'e Mukono yeetaaga obuwumbi musanvu n'obukadde lukaaga okugimaliriza, bw'atyo n'asaba bannalotale okukwatizaako omulimu gw'okugizimba basonde ssente okugimaliriza.

Ono era atenderezza bannalotale olw'okwewaayo ne bakola pulojekiti ezikyusa obulamu bw'abantu mu by'obulamu, eby'enjigiriza, okubunyisa amazzi amayonjo wamu n'okulwanirira obutonde bw'ensi. 

Ssewanyana anokoddeyo bannalotale baasiimye abasukkulumye ku balala okubadde Rotary International Director Nominee, [RIDN] Emmanuel Katongole,  eyaliko gavana Stephen Mwanje ng'ono ye yatandiikawo emisinde gya 'Cancer Run' okudduukirira n'okuzimba eddwaaliro erijjanjaba kkookolo mu ddwaaliro e Nsambya, Gen. Katumba Wamala n'abalala n'agamba nti eggwanga lyetaaga abantu ng'abo.

Oluvanyuma Dr.Ssewanyana ayambidwako abamyuka ba gavava okubadde Moses Kafero Kabugo, Justine Nantuwa n'abalala okutuuza ba pulezidenti abo ng'ono era ataegeezezza nti nga bwabalinamu essubi okuwereza abantu.

Ku mukolo guno era waliwo munnalotale eyegasse ku club eno. Bannalotale abawaddeyo sente ezisusse mu doola 1000 nomulala awaddeyo 10.000 ogwa doola nafuuka major donor nabo basiimiddwa.