Abasibe ababadde bagezaako okutoloka bakubiddwa amasasi omu ne gamukwata

OMUNTU omu akubiddwa amasasi agamusse,abasibe bataano bwe babadde batoloka okuva mu kkomera e Mbarara.

Bino bibadde ku  Ruti Police Station  mu Mbarara South Division , abasibe bataano ababadde ku misango egy'enjawulo, bwe batolose okuva mu kaduukulu kyokka poliisi mu kugezaako okubagoba , amasasi ne gakwata Gordon Boogere 52, abadde azze ku poliisi eyo okuwaaba, n'afiira mu ddwaaliro e Mbarara.

Abadduse, kuliko Coleb Behangana agambibwa okuba ku musango gw'obubbi, Tomson Ariho gwa kubbisa lyanyi, Andrew Ahebwe, Allan Agaba nga bano bombi nabo bali ku misango gw'okubbisa eryanyi ne Gerald Irankunda ng'avunaanibwa ku bigambibwa nti yasangibwa n'emmundu.

Micheal Kato, akulira poliisi eyo, agamba nti mu kiseera ekyo abaserikale abaami basatu , tebaabaddewo nga waliwo abaserikale abakyala basatu.

Ayongeddeko nti mu kugezaako okuyingiza omu ku basibe, abasibe ababadde munda, babuukidde omuserikale omukazi PC Charity Akao emmundu ye ne bagisikako magaziini ne badduka nti munne Justine Nabankima kwe kuboolekeza amasasi agaakutte Bogere naye abadde adduka ekiwalazima.

Kitegeezeddwa nti Boogere, abadde agenze kuloopa Alfred Muhwezi ku musango gw'okumutiisatiisa era ng'omusibe babadde bamukutte ng'ali ku poliisi eyo.