Dr. Atwine awadde kontulakita nsalessale ku kuzimba eddwaaliro
OMUWANDIISI w’enkalakkalira owa Minisitule ey’Ebyobulamu, Dr. Diana Atwine atabukidde kontulakita eyaweebwa omulimu gw’okuzimba ekizimbe ku ddwaaliro eddene e Mbarara olw’akasoobo omulimu kwe gutambulira. Amuwadde nsalessale wa nnaku 30 zokka ng’ekizimbe kiwedde.
Dr. Atwine nga yeemulugunya ku baaweebwa omulimu okulwawo okugumala.
By Bukedde Omusunsuzi
Journalists @NewVision
OMUWANDIISI w’enkalakkalira owa Minisitule ey’Ebyobulamu, Dr. Diana Atwine atabukidde kontulakita eyaweebwa omulimu gw’okuzimba ekizimbe ku ddwaaliro eddene e Mbarara olw’akasoobo omulimu kwe gutambulira. Amuwadde nsalessale wa nnaku 30 zokka ng’ekizimbe kiwedde.
Dr. Atwine eyabadde tasaliko musale yategeezezza nti kontulakita eyaweebwa omulimu gw’okuzimba ekizimbe kya ‘Emergency Ward’ asusse okusaagira mu mulimu. Yatabuse n’agamba nti amuwadde okulabula okusembayo era kwe kumuwa ennaku 30 ng’omulimu agumaze.
Bino yabyogedde akulira eddwaaliro lya Mbarara Regional Referral Hospital, Dr. Deus Twesigye amulambuza emirimu egikolebwa ku ddwaaliro lino.