Akakiiko k'ebyokulonda kalabudde abagenda okusunsulwa enkya
Ng'akakiiko k'ebyokulonda enkya katandika okusunsula abegwanyiza ebifo mu Gavumenti ez'ebitundu, akulira eby'okulonda e Wakiso Tolbert Musinguzi yasabye abagenda okusunsulwa okwetegeka obulungi kiyambe obutataganyizibwa munteekateeka.
Akulinda okulonda e Wakiso ng'annyonnyola
By Peter Ssaava
Journalists @New Vision
Ng'akakiiko k'ebyokulonda enkya katandika okusunsula abegwanyiza ebifo mu Gavumenti ez'ebitundu, akulira eby'okulonda e Wakiso Tolbert Musinguzi yasabye abagenda okusunsulwa okwetegeka obulungi kiyambe obutataganyizibwa munteekateeka.
Mu lukungaana lwa bannamawulire olubadde e Wakiso, Musinguzi agambye nti batandika naba ssentebe ba disituliki kwossa ba kkansala baabwe n'asaba abo bonna abesimbyewo okugoberera ebyabagambibwa.
Musinguzi era yalabudde abetegese okukuba kampeyini nga bakamala okusunsulwa nti tebetantala kuba akakiiko k'ebyokulonda kaatekawo ennaku kampeyini zonna kwezigenda okutandikira.
Ye Rdc wa Wakiso Justine Mbabazi yalabudde abayinza okutambula n'eggaali zaabwe nti anetantala agenda kukwasibwako omukono gw'ekyuma.
Asabye abagenda okusunsulwa okutambula n'emmotoka emu obutaretawo kutataganyizibwa mukusunsula.
Okusunsula e Wakiso kugenda kukolebwa ku kitebe kya disitulikiti mukisenge omutesezebwa