Bannayuganda bakubiriziddwa okwekebeza ekirwadde kya Cancer

Pulezidenti we kibiina kya Rotary Club ya Semuto Daniel Muwanguzi asabye abantu bonna okufaayo okwekebeza obulwadde bwa kokolo nga bwazuulibwa nga bukyali babujjanjaba naawona. Muwanguzi yagambye nti buly’omu kimukakatako amanyi n'atamanyi bikwatta ku bulamu bwe   okudduukira mu ddwaliro wekebeze  obulwadde bwa Kookolo  

Muwanguzi yabadde yabyogedde bwe yabadde akulembeddemu ba mmemba ba lotale eno  abetabye mu musinde gye byalo mu kukunanya ssente ezigula ekyuma ky’okujjanjaba obulwadde bwa Kookolo  

Omukolo gwa Rotary

Emisinde gino gyetabiddwamu abaana  n’abantu abakulu abaguze emijoozi  200 gye bayambadde ne badduka ne  betooloola akabuga ka semuto . Badduse  mayiro ttaano nga basimbudde ku kijjukizo mu kabuga ka Semuto

Dr. William George Kisitu nga ye pulezidenti we kibiina agenda okuddako  yasabye abazadde obutagayalirira abaana babwe naddala abalenzi  wabula nabo babawereze mu ddwaliro   basobole okukeberebwa obulwadde bwa Kokola   

Era yasabye abazadde okuyingiza abaana baabwe mu lotale bakule nga bamanyi omugaso gw’okugibeeramu wabula baleme ku gyesamba nti ya  bagagga ,  bakimanye nti okugibeeramu  gubeera mutima mulungi okuyamba abalala abali mu bwetaavu .

Sarah Zabali  omusawo eyawummula yagambye nti   kokolo wabika bingi omuli akwatta obwongo , obulago , abasajja , ekibumba ne birala nga byonna bijjanjabwa singa otukkayo nga bukyali  

Bannalotale nga bali mu kifaananyi ekya wamu

Bishagenda Zakaria omu ku bammemba yagambye nti y’omu ku bakawonawo abayita mu kusoommozebwa ku lw’obulwadde bwa KKansa wa basajja nga ekyamuyamba okubuvunuka kwe kuba nti yagenda mu ddwaliro nafuna obujjanjabi amangu ddala  

Agamba nti alw’embeera gye yayitamu yagambye nti guno omulundi gwa kusatu nga awaayo ekifo kya Country garden e Semuto  bannalotale we bakunganira ne bakola ebintu ebyenjawulo ebibayamba okwekulaakulanya .

Era mu kifo kino bammemba we bamalidde emisinde oluvannyuma ne bakoledde dduyiro ne banyuka nga bamaze okufuna ebinyogoga