Agambibwa okuba Malaaya afiiridde mu kasenge ka loogi gye babadde bagenze okwesanyusa ne 'kaasitoma'

Omuwala agambibwa okubeera nnekolera gyange, afiiridde mu kasenge ka loogi gy'abadde agenze n'omusajja okwesanyusaamu.

Bibadde mu Sanyuka loogi e Kasenge  mu Kyengera town Council mu Wakiso, omuwala ategeerekeseeko erya Patricia , bw'afiiridde mu kifo ekyo, gy'agambibwa okuba nti abadde n'omusajja Godi Muwonge  amanyiddwa nga Kabaka Aperu , nga bali mu kwesanyusa.

Kigambibwa nti abaagalana bano, babadde bamaze ennaku nga ssatu mu kifo ekyo mwe babadde basasula ku 10,000/= buli lunaku era nga baasembye okulabibwako nga bombi, batamidde .

Kigambibwa nti Patricia yalemeddwa n'okuyingira akasenge nti kyokka ne bamuyingiza mpola nti kyokka baabadde bagezaako okumufunira amata okumutaasa ku mwenge, n'afa .

Omwogezi wa poliisi mu Kampala Patrick Onyango, ategeezezza nti ,Muwonge yadduse era bamunoonya kyokka nga ggwo omulambo, gutwaliddwa mu ggwanika e Mulago, okugwekebejja ng'okunoonyereza bwe kugenda mu maaso.