Abalimi b'omuceere n'obulo bafunye essuubi

ABALIMI b'omuceere n'obulo mu bitundu ebyenjawulo  okuli Butaleja ne  Bugweri  bakubiriziddwa okwettanira okulima omuceere wamu n'obulo obw'omutindo omulungi ng'enteekteeka eno ekulembeddwamu ekitongole kya Food and Agricultural Organisation (FAO ) .

Enteekteeka eno etuumibwa The Fao -China South -South Cooperation Project (SSC) era  ng'etuuse  ku nkomererero oluvannyuma lw'okutandika mu 2012 mu mitendera esatu okwetoolola districts ez'enjawulo okuli Mbarara , Jinja , Butaleja, Bugweri Luwero n'awalala .

Abamu ku balimi b'omuceere mu bitundu bye Butaleja

Omwaka 2023 July enteekateeka y'okulima omuceere guno ogumanyibwa nga Hybrid Rice  WDR-73 etekebwamu amaanyi ekitongole kya MAAIF wamu ne FAo okuli mu Shanghai Research Institute e China mukaweefube wokulaba nga abalimi basobola okulima omuceere ogusobola okuguma awatali mazzi kwosa n'okuyamba abalimi okufuna ensimbi .

Ms. Makiko Taguchi okuva mu FAO agambye nti omuceere guno mulungi nnyo kubanga  abalimi bakusobola okufuna emmere y'omuceere ate n'abantu bakusobola okutunda bafune ensimbi .

Ono agambye omuceere guno tegulina bukwakulizo bungi wabula kusimba bulungi mu mpaanyi ate tegwetaga kukulira mu mazzi mangi . 

Robert Sagula omulimi w'obulo n'omuceere agambye nti kirungi okufuna obulo buno natandika okubulima nga kati ewaka balina eky'okulya ate batundako ekintu ekirungi .

Ono agambye nti obulo buno bukula mangu , bwengera mangu ate buwooma n'olwekyo akubiriza abalimi okubwetanira .

Matiko Taguchi omukungu we Kitongole Kya FAO nga alaga ekika kyomuceere ekipya mu bitundu bya Butaleja

Samuel Muloma okuva mu MAAIF akubirizaz abalimi okwettanira okulima omuceere gwa Hybrid kubanga mulungi , gukula mangu era nti mu yiika omulimi asobola okufunamu kinene ate guvaamu akawoowo akalungi .

Ono agenze mu maaso n'agamba nti kyetaaga onsigo y'omuceere eno yetaaga okutuuka amangu e Butaleja abantu basobole okugulima ate tegwetaaga mazzi mangi nnyo , wetaaga okugusimba mumpanyi .