Abadde afulumye okulembeka amazzi mu nkuba laddu emukubye n'afiirawo

EKIKANGABWA kigudde ku kyalo Kizira muluka gw’e Kagamba mu ggombolola y’e Byakabanda e Rakai laddu bw’ekubye n’etta omutuuze Experito Mugera, 37 n’ente. 

Laddu evudde ku nkuba ekedde okufudemba ebaddemu kibuyaga n’omuzira eby’amaanyi. Abatuuze baategeezezza nti Mugera laddu yamukubye alembeka mazzi. 

Ssentebe w’ekyalo, Hussein Katurebe yagambye nti
bafiiriddwa omutuuze atabadde na buzibu na bantu n’akubiriza abatuuze okubeera abeegendereza mu budde bw’enkuba.

Poliisi okuva e Rakai yeekebezze omulambo n’oluvannyuma n’eragira abooluganda lwe okugenda mu maaso n’okuziika.