Abatuuze basse omubbi

ABATUUZE ku kyalo Kasozi A mu Ggombolola y’e Bukabooli mu disitulikiti y’e Mayuge bakubye omutuuze ne bamutta bwe bamukutte ng’abba akuuma akakwata
laddu. Eyattiddwa ye Sula Wanjala, 30 ow’oku kyalo Busimbi B mu Nankoma tawuni kkanso mu disitulikiti y’e Bugiri. Asuman Dhakaba ssentebe w’ekyalo kino agamba
nti abantu bano baabadde babiri okuli ne Muzahamu Mugoya 35, nga muganda w’omugenzi wabula ye yadduse. Dhakaba agamba nti ababbi bano baabadde bazze kubba
ku ssomero lya Kasozi C/U mu Ggombolola y’e Bukabooli. Christopher Wabibye amyuka omukulu w’essomero lino agamba nti gwe basse yabadde abba akuuma akakwata laddu ng’omuserikale akuuma essomero ye yamulabye n’akuba enduulu ezaasombodde abatuuze ne bamukuba okutuusa bwe bamausse.
Akulira okunoonyereza ku buzzi bw’emisango ku poliisi y’e Mayuge, Allan Ayebazibwe yagambye nti poliisi yazze n’eggyawo omulambo ne bagutwala mu ddwaaliro lya Mayuge Health Center IV okwekebejjebwa