Ow’emyaka 21 aitsire omwana we w’esande emwe omuri Buikwe.
Okello ashabire nyina okusigaho omwana arikumuraganisa ngu naija kumuraguriza.
Pooriisi nehiiga omushaija orikugambwa kuba aitsire omwana we w'esande emwe omuri Buikwe.
N’ebya Omushaki weitu
BUIKWE
Pooriisi omuri Buikwe eriyo nehiiga omushaija w’emyaka 21 orikugambwa kuba aitsire omwana we w’omwojo w’esande emwe reero akaziika omutumbi gwe omu kibira omu gomborora eya Najja.
Bashir Okello, omuhingi kandi omutuura w’ekyaro ekya Bufumbe omu gomborora eya Najja nagambwa kuba ayihire omwana ogu ahari nyina ahabiro 11.08.2026 nikwo kumwita akiheza omutumbi gwe akaguziika omu kibira.
Omugambirizi wa Pooriisi ahabw’ekyanga ekya Ssezibwa, Hellen Butoto nagira ngu ekikorwa eki kizire kubaho bwanyima ya nyina w’omwana Tracy Namudope, 20, okuza omu maka g’omushaija we arikutwara omwana kumuraguriza.
Namudope orikutuura omu maka g’abazaire be omuri Busagazi abaire yagambire Okello ngu omwana arwire nayetenga okuragurirwa.
Okello ashabire nyina okusigaho omwana arikumuraganisa ngu naija kumuraguriza.
#WestUpdates