Omukazi orikweguza acweriirwe kushashura omutango ahabw’okwiba esimu ya kasitoma we.

N’ebya Margret Zalwango

KAMPALA

Kooti ya City Hall omuri Kampala eragiire omukazi orikweguza omu by'omubonano (sex worker), Isabella Atuhire okushashura omutango gwa sh500,000 nari okumara emyaka 2 omu kihome ahabw'okwiba esimu ya kasitoma we.

Atuhire, 32, omutuura wa Balintuma zone omuri Kiwatule omu divijoni ya Nakawa omuri Kampala ahairwe ekifubiro eki omuramuzi Nicholas Aisu.

Nyomwabazyo ebiro 15.10.2026, Omuramuzi aragiire Atuhire okushashura omutango kandi ngu kwararemwe kushashura esente ezo naija kukomwa emyaka 2 omu kihome.

Beitu hoona, Atuhire agambiire kooti ngu naija esente ezi naija kuzishashura.

Abahababi beebembiirwe Mercy Yamangusho bagambiire kooti ngu ebiro 26.09.2026 omu kyaro ekya Balintuma zone, Atuhire akiiba esimu ya Samsung ebaririirwemu Shiringi 2,100,000 hamwe na Iphone ebaririirwemu Shiringi 1,000,000.

Esimu ezi zikaba ziri eza Nduka Chibueze.

Ebiteirwe omu kooti nibyoreka ngu Atuhire akaikirizana na Chibueze okushemezana omu loogi, beitu ku baahikireho, omukazi ogu yayiba esimu za Chibueze yaburaho nazo. Atuhire akaguza esimu ezi zombi Sh520,000.

Kooti ehuriire ngu Atuhire akaija yakwatwirwa omu baara ahi yaabaire ariyo nashemererwa n’okukyakara arikukoresa esente ezi yayihire omu kuguza esimu za Chibueze.

Atuhire agambiire kooti ngu akaikirizana na kasitoma we (Chibueze) okukoresa kondomu beitu omushaija akanga kandi akaheereza Atuhire Sh2,000 za ‘transport’ eki Atuhire atarikiriize.

Akakwata esimu za Chibueze yaburaho nazo.

Atuhire ashabire kooti okumuheereza ekifubiro kiringaniire ngu ahabw’okuba aine omwana we owarikureberera kandi ngu aine n’enda.

Beitu hoona, omutonganirizi wa gavumenti ashabire kooti okuheereza Atuhire ekifubiro ky’amaani ngu ahabw’okuba emishango y’ekika nk’eki ekanyire omu byanga.

#WestUpdates