Kooti ehamize Ssekindi nk’omuny’eishengyero-kazi wa Kalungu otoorainwe.

N’ebya Omushaki weitu

KALUNGU

Kooti enkuru omuri Masaka ehamize minisita w’eihanga ow’ebyamaizi n’obuhangwa bw’ensi, Aisha Ssekindi nk’omunyishengyero-kazi wa disiturikiti ya Kalungu ohikire otoorainwe.

Okuhamya Ssekindi nk’omunyishengyero-kazi wa Kalungu kwizireho bwanyima y’okubinga omushango gw’oburuuru ogwahababirwe Hellen Nakeeya arikuhakanisa obusinguzi bwa Ssekindi.

Nakeeya akatabaza omu kooti arikuhakanisa okutooranwa kwa Ssekindi arikugira ngu akaruuru akateirwe ebiro 15.01.2026 kakabamu okuguririra abateezi b’akaruuru, okubuzaho ga agenti be, okwita abashagiki be hamwe n’okuhindagutura ebyarugire omu karuuru.

Beitu hoona, omu kuhayo encwamu ye nyomwabazyo ebiro 15.10.2026, omuramuzi wa kooti enkuru Bernard Namanya arangiriire Ssekindi nk’owasingire akaruuru ako bwanyima ya Nakeeya okuremwa kureeta obuhame obw’okwomesereza Ssekindi ngu akiiba akaruuru.

#WestUpdates