Omwegi wa University of Saint Joseph aitsirwe arikuruga kureeba ogwa Arsenal.
Ogu n’omwegi wa kabiri wa University of Saint Joseph arikufa omungyeri nk’egi ahabw’enshonga ezitakamanyirwe.
John Patrick Alex Abenawe, 24, orikuruga Bitsya omu disiturikiti eya Buhweju abaire nashoma eby’obwegyese kandi abaire ari omu mwaka gwe gw’okubanza omu semester ya kabiri. Courtesy Photo.
N’ebya Omushaki weitu
ISINGIRO
Omwegi w’omwaka gw’okubanza ah’eitendekyero erya University of Saint Joseph Nyamitanga omuri Mbarara City ataahiriirwe yaitwa obu abaire nagaruka omuka.
John Patrick Alex Abenawe, 24, orikuruga Bitsya omu disiturikiti eya Buhweju abaire nashoma eby’obwegyese kandi abaire ari omu mwaka gwe gw’okubanza omu semester ya kabiri.
Nikigambwa ngu Abenawe ataahiriirwe abainazi abamuteire aha mutwe obu abaire nagaruka ahi abaire natuura omu kyaro kya Kashenyi omu gomborora eya Birere omu disiturikiti eya Isingiro bwanyima y’okuheza kureeba omuzaano gwa Westham na Arsenal omu mwabazyo gwa Sande ebiro 10.05.2026.
Samson Kasasira, Omugambirizi wa Pooriisi ahabw’ekyanga ekya Rwizi, nagira ngu abanyambabazi nibo bairukangiize Abenawe obaire ari kubi ah’eirwariro erya Devine Mercy Medical Centre ahi afeeriire.
Ogu n’omwegi wa kabiri wa University of Saint Joseph arikufa omungyeri nk’egi ahabw’enshonga ezitakamanyirwe.
Abeegi bombi abagyenzi nibaruga omu disiturikiti eya Buhweju.
#WestUpdates