Omuvugi wa Lorry aitiirwe enshonga z’eby’omubonano omuri Oyam.

N’ebya Omushaki weitu

OYAM

Omuvugi wa lorry ahabw’engyendo neingwa ayitiirwe omu tauni kanso ya Kamdini omu disiturikiti eya Oyam.

Pooriisi negira ngu okufa kw’omuvugi ogwo kwine akakwatwa n’enshonga z’eby’omubonano.

Majid Bonny Ramathan, ori omu myaka 50 kuruga omu disiturikiti eya Adjumani nikigambwa ngu emotoka ye egizire obuzibu kandi abaire ategyereire ebyoma by’okugikanika kuruga Kampala. 

Omukutegyereza okwo, Ramathan atungiire omwishiki obaire nakora omu baara.

Sam Ogwanga Alunyu, ceeyamaani wa tauni kanso ya Kamdini nagira ngu omushaija w’omwishiki ou Ramathan abaire aine abashangire omu kishengye ahu babaire bari omu kikorwa ky’omubonano nikwo kwita Ramathan.

Omwishiki obaire aine Ramathan omu kishengye nagira ngu nyakwita akaba ari omusheija we kwonka bataana ameezi mukaaga enyima.

Omugambirizi wa Pooriisi ahabw’ekyanga ekya North Kyoga, Patrick Jimmy Okema nagira ngu bariyo nibahiiga Denis Abila ou abandi barikumanya nka Bonny Adupa omuvugi wa boda-boda ahabw’okuteekateekwaho kuba aitsire omuntu.

#WestUpdates