Omushuubuzi-kazi omuri Kampaka yasingisibwa ogw’okwiba miriyooni 45.

N’ebya Paul Galiwango

WAKISO

Omushuubuzi-kazi Rehema Nagirinya, 51, omutuura wa Katooke Nansana omu disiturikiti eya Wakiso yasingisibwa omushango gw’okwiba shiringi miriyooni 45 kandi yaheebwa ekifubiro omu kooti ya Law Development Centre omuri Kampala.

Nagirinya yasingisibwa omushango ogu ayeyikiririze aha mushango gw’okwiba esente ezo. Ogu akateebwaho omushango na Ahmadda Mpindi, 62, omutuura wa Katooke, Nansana owayehakaine omushango ogu.

Omuramuzi Martins Kirya yacwera Nagirinya ekifubiro ky’okukomwa omwaka gumwe n’ekicweka hamwe n’okuriha esente ezo omi bwire bw’emyaka 2 yaaheza ekifubiro kye.

Obuhame oburetsirwe omu kooti ab’orubaju oruhababi beebembiirwe Omutonganirizi wa gavumenti, Maureen Tusiime nibworeka ngu ahagati y’ebiro 15/06/2022 n’ebiro 15/06/2023 omu kyaro kya Kisenyi aharuguuto orwa Kafumbe Mukasa Road omuri Kampala obwo arikukora nka agenti wa Mobile Money y’eishento Zadock Bakundat, Nagiirinya akaiba shiringi 45,534,300.

Nagiirinya akaikiriza emishango yoona eyamuteirweho nikwo kugambira kooti ngu akaba nagyezaho kutambira amagara ge n’okuraguriza enda ye y’abarongo abu yaremirwe kuzaara omu mwaka 9.

Okurugiirira ahari Nagirinya, enda ye akaheerera kugireeba omu Scan eine ameezi 5. Beitu hoona, Nagirinya naagira ngu obwire obumwe, abaire nakira ngu kuruma nk’orikwenda kuzaara.

Nagirinya naagira ngu ishento Bakunda nagambwa kuba yayangire kumuhwera ngu ahabw’okuba ebiyabaire nagamba akaba ataine bihandiiko by’eirwariro.

Naagira ngu akagyezaho agyerizeho kwenda ngu we n’ishento basaasirane beitu byaba ebya busha nk’oku Bakunda yayangire kumusaasira ekyarugiriramu okumukoma.

#WestUpdates