Omukazi akwateirwe okwita omukozi wa gavumenti omuri Wakiso.
Ekikorwa ky’obwinazi eki kibaire omuri Kamuli A Zone omuri Kira Munisiparite omu disiturikiti eya Wakiso.
Orikukurira enshonga z’abakozi ahabw’akakiiko aka Local Government Finance Commission omuri Wakiso, Moses Omaido oitsirwe.
N’ebya Beth Akatukunda
WAKISO
Pooriisi ekwatsire omukazi omanyirwe nka Oliver Agadi ahabw’okugira akakwate n’okucumita ebisyo kandi akaita orikukurira enshonga z’abakozi ahabw’akakiiko aka Local Government Finance Commission omuri Wakiso, Moses Omaido.
Ekikorwa ky’obwinazi eki kibaire omuri Kamuli A Zone omuri Kira Munisiparite omu disiturikiti eya Wakiso.
Racheal Kawala, Omugambirizi wa Pooriisi ahabwa Kampala n’emyanya egiheriire ahamize okukwatwa kwa Agadi.
Ekikorwa eki kibaireho Orwakana ebiro 26.03.2026 shaaha nka 12 z’akasheeshe.
Kawala nagira ngu okucondoza okwahikireho nikworeka ngu omutumbi gwa Omaido gubaire gwine ebironda ebiretsirweho okumucumita.
Omutumbi gwe gushangurwe haihi na geeti ye omu kibuga kye.
Okucondooza nabwo nikworeka ngu Omaido ajwire munonga ahabw’obuhuta obu atungire ekimurugiriremu okufa.
#WestUpdates