Omukazi akwateirwe okuteera n'okwosya omwana ahabwa Sh100,000
Omwana ogu obwahati ariyo naatunga okuragurirwa.
Okukwatwa kwa Natukunda kwizireho bwanyima y’ekishushani ekishohoziibwe muriraanwa we kirikworeka omwana ogu aine obuhuta ahangaro. Courtesy Photo.
N’ebya Beth Akatukunda & Charles Etukuri
WAKISO
Pooriisi omuri Kampala ekwatsire omukazi ahabw'okugambwa kuba ateire kandi akoosya omwana w’omwojo ow'emyaka 10 arikumutura okwiba Shiringi 100,000.
Racheal Kawala, Omugambirizi wa Pooriisi ya Kampala n’emyanya egiheriire nagamba okwatsirwe nka; Esther Natukunda, 34 obwahati okomiirwe aha Pooriisi ya Nateete.
Omwana ogu obwahati ariyo naatunga okuragurirwa.
Nashoborora ngu okucondooza okwahikireho nikworeka ngu ah’eizooba rya Eid ebiro 20.03.2026 shaaha nka 11 z’omwabazyo, Natukunda nagambwa kuba yakwatsire engaro z’omwana ogu akazoosya arikukoresa akaveera obwo arikumutuura okwiba Shiringi 100,000.
Omwana ogu obwahati ariyo naatunga okuragurirwa.
"Pooriisi ya Nateete ekwatsire nyakuteekateekwaho ahabw’okugira akakwate n’okubonabonesa omwana akamuteera omu kyaro ekya Kanaala omu muruka ogwa Mutundwe omu Divijoni eya Bunamwaya omu disiturikiti eya Wakiso.
Omwana ogu ari omu kibiina kya kana.
Kawala nagira ngu munyanya wa Natukunda akamwesiga yamusigira omwana kuba namureberera.
Okukwatwa kwa Natukunda kwizireho bwanyima y’ekishushani ekishohoziibwe muriraanwa we kirikworeka omwana ogu aine obuhuta ahangaro.
Ekishushani nikigambwa kuba kyakwatsire omwe omubantu ababaire nibatuura na Natukunda.
#WestUpdates