Kooti erekwire owabaireho omuduumizi wa Pooriisi otwire najunaanwa okwita Puriida Mukisa.
Abarikuteekatekwaho bataano abasigire omu mushango ogu hamwe abaserukare babiri ba UPDF abarimu Corporal Geoffrey Mark Anyesa na Sgt Rashid Ayup Okot.
Omuramuzi wa kooti y'ekinyamahe omuri Makindye, Col Asha Patra arekwire Irama bwanyima y’orikukurira abahababi ba gavumenti omu UPDF, Col. Rapheal Mugisha kumwihaho emishango yoona etwire nemujunaanwa
N’ebya Omushaki weitu
MAKINDYE
Kooti y’ekinyamahe erekwire Vincent Irama Urri, owabaireho omuhwezi w’omuduumizi wa Pooriisi ahabw'ekyanga ekya Kampala North otwire najunaanwa okwita puriida w’omu rurembo Ronnie Mukisa.
Mukisa akateerwa amasasi ebiro 30.05.2024 obu yabaire ari omu maka gye omu kyaro ekya Kitiko-Birongo omuri Ndejje division omu disiturikiti eya Wakiso.
Col. Asha Patra, obaire akuriire kooti y’ekinyamahe eshutamire omuri Makindye nyomwabazyo ebiro 18.03.2026 arekwire Irama bwanyima y’orikukurira abahababi ba gavumenti omu UPDF, Col. Rapheal Mugisha kumwihaho emishango yoona etwire nemujunaanwa.
Beitu hoona, abahababi nibagira ngu abantu bataano abandi abasigiire abarikujunaanwa omu mushango ogu nibeija kugumizamu barikuhozesibwa barikukyoreka ngu okucondooza kukiriyo nikugumizamu.
Abarikuteekatekwaho bataano abasigire omu mushango ogu hamwe abaserukare babiri ba UPDF abarimu Corporal Geoffrey Mark Anyesa na Sgt Rashid Ayup Okot.
Abandi n'abantu ba buraijo abarimu Josebert Hayeza, Robert Irama Karedou hamwe na Brenda Cathy Nalwoga.
Okucondooza okwahikireho nikworeka ngu puriida Ronnie Mukisa akaitwa ahabw’okugambwa kuba yaryangataniise Shiringi obuhumbi 3 n'obukaikuru 700 (3.7 billion shillings) kuruga aha buyabaire nakwatanisa nabo omu bizinesi abarimu Karedu na Nalwoga.
Aba nibagambwa kuba bapangiise Corporal Anyesa na Sgt Okot okwita Mukisa.
#WestUpdates