Omushaija aitsire omukazi we arikumutura obushambani omuri Kiboga.
Usain Serugo, nagambwa kuba aitsire omukazi we Sumaya Natukunda, 25 arikumujunaana okuba nashambana aheeru y’obushwere bwabo.
Usain Serugo, nagambwa kuba aitsire omukazi we Sumaya Natukunda, 25 arikumujunaana okuba nashambana aheeru y’obushwere bwabo.
N’ebya Omushaki weitu
KIBOGA
Pooriisi omu disiturikiti eya Kiboga eriyo neehiga omusheija w’emyaka 28 orikuteekateekwaho kuba acumitsire omukundwa we ekisyo akamwita bwanyima y’okukwatirwa omu bushambani.
Usain Serugo, nagambwa kuba aitsire omukazi we Sumaya Natukunda, 25 arikumujunaana okuba nashambana aheeru y’obushwere bwabo.
Ekikorwa ky’obwinazi eki kibaire omu kyaro kya Kakunyu omu tauni kanso eya Bukomero omu disiturikiti eya Kiboga.
Omugambirizi wa Pooriisi ahabw’ekyanga ekya Wamala, Lameck Kigozi nagira ngu ba muriraanwa bagambiire Pooriisi ngu ababiri aba batwire baine obuteikirizana ahabw’enshonga z’obuteesigana omu bushwere bwabo obwo omushaija arikujunaana omukazi we okumuraba enyima akabyama n’abashaija abandi.
Ah’eizooba rya Eid, Natukunda akaza kukyakara na munyawani we kandi kuyagarukire omuka zirikuza kuba shaaha 6 z’ekiro, nikwo omukundwa we Sserugo okumucumita ekisyo akamwita.
#WestUpdates