Owa boda-boda okwatsirwe ahabw’obushuma bw’amatungo- Hoima.

N’ebya Omushaki weitu

HOIMA

Pooriisi ekwatsire omuvugi wa boda-boda ahabw’obushuma bw’amatungo.

Omuhwezi w’omugambirizi wa Pooriisi, Claire Nabakka naagira ngu Moses Bwambale, 23, ow’omu kyaro kya Kiryateete omu rurembo orwa Hoima naagambwa kuba ari enyima y’obushuma bw’amatungo omu kyanga eki.

Bwambale nagambwa kuba akwatsirwe n’ente 3 eziteekateekirwe kuba ez’enyibano ezibaaririrwemu shiringi miriyooni 6 arikuzitamburiza omu motoka ya Salon Car.

Ente ezi nizigambwa kuba ziibirwe kuruga omu tauni kanso ya Lwamata omu disiturikiti eya Kiboga kandi zibaire nizitwarwa omu rufura kuzibaaga omuri Hoima.

Nabakka nashoborora ngu Bwambale naija kuhweraho Pooriisi n’okumanya abandi bantu abu arikukoragana nabo kwiba amatungo.

Omu bandi abarikuteekateekwaho ni; Emmanuel Birungi obwa hati ori omu kihome omu rurembo orwa Mbale aha mushango gw’obushuma.

#WestUpdates
#RadioWestAt25