Omufumu ari enyima y’emiteehimbwa ahabw’okuhonga ow’emyaka 11

N’ebya Eddie Ssejjoba

Orikuteekateekwaho kuba yaayejubire omukwita kw’omwana w’emyaka 11 obwa hati ari omumikono ya pooriisi bwanyima y’embwa ya pooriisi kubahikiza ow’omufumu omuri Kiboga.

Madina Nakyeyune, 42, omutuura w’omukyaro kya Kirurumba omu tauni kanso ya Kiboga akwatsirwe bwanyima y’embwa y’enkagiirizi kutooza kandi ekataaha omundaaro barikutooza okufa kw’omwana ogu.

Poorisi batungire amaguru 2 g’omuntu ahi, Oliver Namanda, 11, omwegi w’eishomero rya Fairway Nursery School, arikugambwa kuba yaayitiirwe omubiri gwe gukacwanyagurwa.

Abaire ari omutuura wa Buzibwera omu Tauni Kanso ya Kiboga, owaabuzire nyekiro, ebiro 10.06.2024

Okurugiirira ahari poorisi, ku baaherize kushoma, omugyenzi, nka buriijo akooherezibwa abazaire be kugyenda akaguza ebicoori biteekire omu tauni ya Kiboga kwonka taragarukire muka.

Eki kikareetera abazaire kuhababa ahapoorisi ekiro ekyakuratsireho eky’ebiro 11.06.2024 kandi okumusherura kukatandikiraho.

Beitu hoona, okurugiirira ahakihandiiko, ky’Orwakashatu kuruga ow’omugambirizi wa poorisi w’ekyanga ekya Wamala, Rachael Kawala, okubura kwa Namanda kukaguma kutamanyirwe ekyakureetsire kuhisya Orwakashatu ebiro 13.06.2024.

Rachael agizire ngu omutsigazi owaabeire agiire kutema ebinyatsi by’amatungo nikwo kureeba amaguru 2 omukishaka omukibanja kya Ssekandi omukyaro kya Kirurumbi omu tauni kanso ya Kiboga nikwo kumanyisa abazaire aho n’aho.

Nikigambwa ngu ebijwaro by’omugyenzi, akasaati ka na sikkati erikwiragura bisigirwe ahamwanya ogwo. Abebembezi b’ekyaro ekyo aho n’aho bakamanyisa poorisi kandi ekikoosi, kyebembeirwe omuduumizi wa poorisi ya disiturikiti, Alfred Baluku,  bakahika ahamwanya ogwo kandi okucondooza kwatandikiraho.

Poorisi na bwanyima bakabona omubiri gutaine mikono n’amaguru kandi ebicweka ebindi nk’ebihaha, omutima n’ebindi bitariho, ekikorwa ekyateekateekirwe kuba kiri eky’obwitsi obw’okuhonga.

Poorisi ekarondereza omumwanya gwona nikwo kushanga akahare k’omunda na sikaati ebyabeire biri eby’omugyenzi.

Ekikorwa eki kikatangaaza abatuura omubyaro kandi poorisi babeire bakiriyo nibasherura amakuru agandi kukwata ogwo weena owaayejumbeire omukikorwa eki.

Ku abuuziibwe, Baluku agizire ngu babeire bakiriyo nibabuuza abanda bantu.

“Okusheruriza okundi kutunga ebindi bicweka by’omubiri ebibuzire kuriyo nikugyenda omumaisho kandi ab’ebikoosi byaitu bariyo nibakora buri kimwe ekirikubaasika kutunga abantu abanda abarikuteekateekwaho n’okureetaho oburingaaniza,” Kawala nikwo agizire.

Ogu kandi hoona ayongyeire yaashaba abazaire kufayo munonga ahaburinzi bw’abaana baabo omumaka n’aheeru y’amaka gaabo.

#WestUpdates
#RadioWestAt25