Owaitsire abaana 4 omuri Ggaba kuhozesibwa wiiki egi ah’eishomero eriyayitiireho abaana.

N’ebya Omushaki weitu

KAMPALA

Omushaija orikugambwa kuba yayitsire abaana 4 b’eishomero ry’abaana erya Ggaba Early Childhood Development Centre, Kampala wiiki ehwaire naija kuhozesibwa ahansi y’entebeekanisa eya kooti eya Mobile court system.

Ebi byatwirwe Orikukurira abaramuzi ba kooti enkuru, Jane Frances Abodo aha kushabira omuramuzi wa kooti enkira zoona owahumwire Augustine Ssebuturo Nshimye oherize kuruga omu magara gensi egi. 

Okushabira omubiri gw’omuramuzi Nshimye kubaire aha kanisa ya All Saints Church nyomwabazyo ebiro 06.04.2026.

Omuramuzi Abodo abaire nagarukamu Aakibiishopu w’ekanisa ya Uganda, Dr Samuel Stephen Kazimba Mugalu oyorekire okukwatwaho ahabw’okwetorora okuri omu kuhurikiriza emishango y’amaani omu kooti ahi abarikuteekateekwaho obumwe barikurekurwa aha musingo gw’asente (bail).

Omuramuzi Abodo nakyoreka ngu omushango ogu nigwija kuhurirwa omu wiiki egi kurabira omuntebeekanisa ya kooti eya Mobile. 

Christopher Okello Onyum nagambwa kuba yatemire abaana 4 bakafeeraho ah’eishomero erya Ggaba Early Childhood Development Center orwakana orwa wiiki ehwaire.

Eki nikimanyisa ngu okuhozesa omushaija ogu nikwija kukorerwa ah’eishomero ahi arikugambwa kuba yayitiire abaana obwo abantu barikwerebera n’agabo ebiraabe nibigyenda omu maisho omu kuhurira omushango ogu.

#WestUpdates