Ogwa Christopher Onyum kucuubwa kooti y'abantu; butunu aha TV
Ebiraabe omu kooti byona nibaija kubita aha tiivi kugira ngu abantu bakaakuratira okuhozesa omushango ogu.
Christopher Okello Onyum, orikugambwa kuba yaitsire abaana 4. PHOTO: COURTESY
N'ebya omushaki waitu
Omuramuzi wa kooti enkuru, Alice Komuhangi Khaukha atoorainwe, kukurira okuhurira omushango gwa Christopher Okello Onyum, orikujunaanwa okwita abaana 4 ah’eishomero erya Ggaba Early Childhood Centre omuri Kampala.
Omuramuzi wa kooti eya Makindye, Sarah Basemera, ayohereize Onyum omu kooti enkuru enkuru bwanyima y’abahababi okuhamya ngu okucondooza omumushango ogu kuhwaire.
Ebihandiiko bya kooti nibyoreka ngu omushaija ogu atebekeine omumutwe kuhozesibwa omu kooti.
Okuhurira omushango ogu nikutandika nyencakare ebiro 12.04.2026 ahakanisa eya Ggaba Community Church haihi n'ahi yaakoreire ekihagaro eki.
Oru n’orushutamo rw’okubanza rwa kooti enkuru omubantu okukorerwa ahansi y’engyenderwaho nsya z’ekitongore ky'abaramuzi ezirikwiriza kooti kushutama aheeru ya kooti eza buriijo.
Ab’obushoboorozi nibagira ngu entebeekanisa zaakozirwe kutaho eby’okwerinda n’obucureera ahabw’okuba abantu baingi babaasa kuhika omukushutama kwa kooti.
Ebiraabe omu kooti byona nibaija kubita aha tiivi kugira ngu abantu bakaakuratira okuhozesa omushango ogu.
#WestUpdates