Abantu bashatu bafiire n’abandi 16 bahutaara omuri butandu ebaire omuri Otuke.

N’ebya Omushaki weitu

OTUKE

Abantu bashatu bafiire n’abandi 16 bahutaara omuri butandu z’ahanguuto omu disiturikiti eya Otuke bwanyima y’emotoka ebaire neeruga ahakuziika kugambwa kuba eyekunamwire ahabw’okuvugisa ekimama.

Okurugirira ahamugambirizi wa Pooriisi ahabw’ekyanga ekya North Kyoga, Patrick Jimmy Okema, butandu egi ebaireho nyomwabazyo ebiro 16.04.2026 shaaha nka 2 z’ekiro omu kyaro ekya Agwila omugomborora eya Adwari.

Pooriisi neegira ngu emotoka etungire butandu n’eya Isuku eya namba UBR 316D ebaire neeruga aha kuziika obu omuvugi otamanyirwe maziina emuremeriire obwabaire navuga ari ahasimu.

Emotoka eyekunamwire nikwo kwitiraho abantu 3 n’abandi 16 baatunga obuhuta bw’amaani.

Abagyenzi bamanyirwe nka; Akello Sarah, 30; Omara Jasper, 27 na Odur Geoffrey, 25 boona abatuura b’omu rurembo orwa Lira. Emitumbi yaabo etwirwe omukabafu ah’eirwariro erya Orum Health Centre kubaasa kukyeberwa.

Abahutiire bairukangiziibwe ah’eirwariro erihango erya Lira kutunga okuragurirwa.

Okema nashaasha n’abantu abafeeriirwe abantu baabo.

Nashaba dureeva w’emotoka egi oyirukire akabura okurugayo ekatwara omu b’obushoborozi.

Pooriisi neshaba abavugi b’ebiruka boona obutoosha kuguma nibakuratira ebiragiro by’ahanguuto nikwo kubarabura ahakavuga sipiidi erengire, okuvugira eryo, okuvuga basinzire ekirugiriremu abantu baingi okufeerwa amagara gaabo.

#WestUpdates