Mukuru w’abeegi ba KIU Kampala Campus yaafeera omuri butandu.

Mukuru w’abeegi ba KIU Kampala Campus yaafeera omuri butandu.

N’ebya Simon Ssekidde 
 
Mukuru w’abeegi ba Kampala International University (KIU) Kampala Campus, Douglas Matovu, obaire aheerize kutooranwa yaafeera omuri butandu eyaaba ahari Bulwadda, aha ruguuto orwa Gomba- Ssembabule omu gomborora eya Kabulasoke omu disiturikiti eya Gomba.

Butandu egi yabaho shaaha nka 9:00 z’akasheeshe k’eriizooba obu emotoka ya Lorry ehandikirwe omu namba ya UBG 770D erikuza Kampala kutomerana n’emotoka ya Toyota Noah ehandikirwe omu namba ya UBH 572H, nayo eyaaba neza Kampala.

Matovu, obaire ari omu mwaka gwe gw’akabiri arikushoma eby’emibazi yaafeeraho kandi abandi bantu 5 batunga obuhuta bw’amaani.

Omutumbi gwe gwatwarwa omu kabafu ah’eirwariro erya Gombe omuri Butambala kandi abahutaara nabo batwarwa omu marwariro eri Gombe hamwe n’erya Mulago omuri Kampala kuragurirwa.

Pooriisi yaakwata omuvugi wa Lorry owamanywa nka: Sadat Sseruga, 29, kandi obwahati akomiirwe aha Pooriisi ya Kanoni.

Lydia Tumushabe, Omugambirizi wa Pooriisi y’ekyanga ekya Katonga yaagira ngu okucondooza kuriyo nikugyenda omu maisho kumanya ekyareetaho butandu egi.

#WestUpdates