Abantu barikurenga omuri babiri bakibuzire bwanyima ya taxi kugwa omu mugyera- Zombo.
Okurugirira ahari mukuru wa tauni kanso eya Paidha, Innocent Geoffrey Onegi, taxi egi eremirwe okuheta koona heihi n’orutindo nikwo kugwa omu mugyera.
Okurugirira ahari mukuru wa tauni kanso eya Paidha, Innocent Geoffrey Onegi, taxi egi eremirwe okuheta koona heihi n’orutindo nikwo kugwa omu mugyera. PHOTO: Edna Piyic.
N’ebya Omushaki weitu
ZOMBO
Abantu barikurenga omuri babiri bakiburize amaisho kandi abandi 13 bacungwirwe bwanyima y’emotoka ya taxi okugwa omu mugyera gwa Nyagak omu disiturikiti eya Zombo.
Taxi egi eyanamba UBJ 956G ey’ekika kya Toyota Drone ebaire neeza omu gomborora eya Warr kuruga Bweyale obu butandu egi ebaireho nyomwabazyo Orw’okubanza ebiro 23.02.2026.
Taxi egi etwire nekorera aha ruguuto oru.
Okurugirira ahari mukuru wa tauni kanso eya Paidha, Innocent Geoffrey Onegi, taxi egi eremirwe okuheta koona heihi n’orutindo nikwo kugwa omu mugyera.
Abacungwirwe batwirwe omu eirwariro erya Nyapea omuri Zombo okutunga okuragurirwa.
Okurugirira ahari RDC wa Zombo, Festus Ayikobua, omuvugi wa taxi abaire nagyezaho kuraaba ahamuvugi wa boda-boda obaire ahekire omukazi barikutoora omuhanda gumwe nikwo kusibira omu mugyera.
Emotoka egi ebaire neruga Hoima erikuza omu katare ka Alangi omu disiturikiti eya Zombo.
Abantu 13 abacungwirwe harimu abashaija 5 kandi abasigara n’abakazi n’abaana abarimu omwana w’ameezi 2 hamwe n’ow’emyaka 11.
RDC nakyoreka ngu omubahonokireho harimu omushaija w’emyaka 23 obaire atakazaga Zombo kandi ogu gubaire guri omurundi gwe gw’okubanza ahi abaire agyenzire n’ishe kuza kureeba nyina.
Ishe obwa hati akibuzire.
Pooriisi omu kyanga ekya West Nile eriyo necondooza ekirugirireho butandu egi.
#WestUpdates