Kooti yahamya okutooranwa Lodyah Kyarikunda nk’omuny’eishengyero-kazi wa Mbarara.

N’ebya Annita Matsika

MBARARA

Kooti enkuru omuri Mbarara yaabinga omushango gw’oburuuru ogw’okuhakanisa obwegyese bw’omunyishengyero-kazi wa disiturikiti ya Mbarara, Loyda Kyarikunda Twinomujuni nikwo kuhamya okutooranwa kwe.

Omu ncwamu ye eriizooba, Omuramuzi Tom Chemutai yagira ngu kooti egi teyine bushoborozi bw’okuhurira omushango ogu ahabw’okuba nigukwata ahabwegyese bw’omuntu.

Yagira ngu omushango ogu gukaba gwine kukorwaho, akaruuru katakateirwe.

Omuramuzi yagira ngu kitabaaza Ayebare Margaret Rwebyambu, akaba aine kubanza kutwara okwetomboita kwe omu kakiiko k’eby’oburuuru reero akibura kwikirizana n’encwamu y’akakiiko abona kujuriza omu kooti enkuru.

Omuramuzi Chemutai yayongyera yacwamu ngu Lodya Kyarikunda aine obwegyese bw’okumwikiriza kwehandiikisa n’okwesimba aha ntebe egyo arikworeka ngu aine Master’s Degree hamwe Degree ebirikurenga n’ahabwegyese bwa ‘certificate’ ya S.6 erikwetengwa omuntu kuza kwesimba ahabwa MP.

Kooti yaabinga omushango ogu kandi yaragira Rwebyambu okushashura bakitabarizibwa esente ezibakoriise omu mushango n’obwire bwabo nikwo kuhamya Lodya Kyarikunda Twinomujuni nk’omunyishengyero-kazi wa Mbarara ohikire otoorainwe.

#WestUpdates