Mukwatanise turwanise abaishiki okutwara enda bakiri bato- abahangu.

N'ebya Beth Akatukunda

MBARARA

Abakuru omu gavumenti nibashaba kuhabaho okukwatanisiza hamwe okurwanisa okweyongyera kw'abaishiki abarikutwara enda batakahikire emyaka 18 omu Uganda kuruga ahari 24% kuza ahari 15% omwaka gwa 2030 gwaza kuhika.

Okushaba oku kuheeriirweyo omu mushomo gw'abanyamakuru ogukozirwe kurabira aha mikura ya kanyabwengye Orwakana ebiro 05.11.2026.

Omushomo ogu gutebeekanisiibwe ekigombe ky'abanyamakuru ekya Health Journalists Network in Uganda kikwataniise ka Palladium hamwe na BBC Media Action omuri Kampala.

Omuhwezi wa komishomo w'enshonga z'amagara g'abaana omu minisiture y'eby'amagara, Dr Irene Mwenyango nagira ngu okweyongyera kw'abaishiki abarikutwara enda batakahikize emyaka 18 kutwire ahaiguru kumara emyaka haihi 20 ahi omwishiki omwe aha baishiki 4 abari ahagati y'emyaka 15 kuhika ahari 19 arikutwara enda.

Nashaba ngu habeho okwongyera ahabuheereza bw'okubariirira oruzaaro kureeba bwabasikirwa buri omwe.

Komishoma orikujunanizibwa aha by'amagara omu minisiture y'eby'amagara, Dr Richard Kabanda ashabire abanyamakuru n'abeebembezi okuguma nibashomesa eminyeto aha kutuura amagara g'obujunanizibwa n'okutangira akakooko ka siriimu.

Komishoma w'enshonga z'abaana n'eminyeto omu minisiture y'ekikura ky'abantu, Mondo Kyateka agizire ngu obworo, emigyezo y'obuhangwa emwe n'okubura obuhabuzi bw'abazaire nibyo bikanyise omubaro gw'abaishiki abarikutwara enda batakahikize emyaka 18.

Komishoma w'enshonga z'abaana n'eminyeto omu minisiture y'ekikura ky'abantu, Mondo Kyateka agizire ngu obworo, emigyezo y'obuhangwa emwe n'okubura obuhabuzi bw'abazaire nibyo bikanyise omubaro gw'abaishiki abarikutwara enda batakahikize emyaka 18.

Nashaba kuhabaho okwongyera ahari puroguraamu z'okushomesa eby'amagara omu mashomero, okureeba ngu abaana b'abaishiki baguma ah'eishomero hamwe n'okurwanisa omuze gw'okushweza abaana b'abaishiki bakiri bato.

#WestUpdates