Bana bateirweho omushango ahabw’obutagira kamina omuri Ibanda.
Abarikujunanwa barimu; Vital Akankwatsa, 28 owa Rwobuzizi, Richard Nuwabiine, 30, na Nicholas Gumisiriza, 50, kuruga Karushambya, hamwe na Nasitario Bainoha, 30.
Abarikujunanwa barimu; Vital Akankwatsa, 28 owa Rwobuzizi, Richard Nuwabiine, 30, na Nicholas Gumisiriza, 50, kuruga Karushambya, hamwe na Nasitario Bainoha, 30. PHOTO by Stephen Nuwagira.
N’ebya Stephen Nuwagira
IBANDA
Abantu 4 omuri Ibanda bateirweho omushango basindiikwa aharumanda omu kihome kya Nyabuhikye ahabw’okugambwa kuba bateine kamina.
Aba bakwateirwe omu muhigo gw’abateine kamina omuri Ibanda Munisiparite omu disiturikiti eya Ibanda nyomwebazyo ebiro 24.09.2024.
Abarikujunanwa barimu; Vital Akankwatsa, 28 owa Rwobuzizi, Richard Nuwabiine, 30, na Nicholas Gumisiriza, 50, kuruga Karushambya, hamwe na Nasitario Bainoha, 30.
Aba bareebukireho omu maisho ga kooti y’eidaara ry’okubanza kandi bateirweho omushongo gw’obutagira kamina omu maka gaabo, ekirikuta amagara gaabo omu kabi.
Barikureebukaho omu maisho g’omuramuzi wa kooti egyo Esther Murungi, abashaija 4 aba behakiine emishango ebateirweho nikwo kubasindika aha rumanda omu kihome kya Nyabuhikye kuhisya ebiro 01.10.2024 kwongyera kubashomera omushango n’okuhurira okushaba kwabo kw’okwemererwa.
Barikugarumaku aha mushango gwabo omu kooti, Gumisiriza, Bainoha na Akankwatsa bagizire ngu baine kamina kwonka ngu abarikuta ebiragiro omunkora omu Munisiparite ya Ibanda babakwatiireho okuba ziri omu mbeera mbi.
Abashaija 4 aba bakwateirwe omu woodi eya Rwobuzizi omuri Bufunda divijoni.
Orikukurira abarikuta ebiragiro omunkora omuri Ibanda Munisiparite, Isaac Mugobi agizire ngu amaka 38 tigaine kamina omu miruka 2 ei bakoziremu omuhigo.
#WestUpdates