Abasibe bagarurwa omu kooti byanyima y’okwiba obuhuunga bw’abasibe- Ibanda.

N’ebya Stephen Nywagira

IBANDA

Abasibe bashatu b’omu kihome kya Kiburara omu disiturikiti eya Ibanda bagarurwa omu kooti ahabw’okugambwa kuba bahenzire sitoowa erikubikwamu eby’okurya by’abasibe batyi bibamu obuhuunga.

Abashatu aba nibagambwa kuba baibire enshaho 3 z’ebihimba eza 350Kgs  hamwe na 20Kgs z’obuhunga byona ebibariirwemu shiringi 950,000.

Omu Pooriisi w’aha kihome ekya Kiburara Prison Farm, Sgt. Wilson Bigira yagambira kooti y’eidaara ry’okubanza omuri Ibanda eriizooba Orwakabiri ebiro 18.06.2024 ngu banyakujunaanwa abarimu Byamukama Nicholas, 21, Nelson Muhwezi, 30 na Ronald Kule, 25, bakoriise omugisha gw’enjura egwire omu kasheeshe ka Sande nikwo kwiba obuhuunga aha biro 31.06.2024.

Sgt. Bigira arikujurira omu kooti yagira ngu abasibe bashatu babaire bari bamwe ahari tiimu y’abantu abarikuba bakumire aha sitoowa y’ekigombe kandi nikigambwa ngu obwire obu baibireho ebintu ebyo, abarikukuma aha sitoowa bakaba batariho.

Abashatu aba nibajunaanwa omushango gw’okuhenda ekihome n’ekigyendererwa ky’okwiba.

Omu Pooriisi yagambira kooti eyaaba ekuriirwe omuramuzi w’eidaara ry’okubanza, Esther Murungi ngu Muhwezi akamumanyisaho aha mushango gw’obushuma.

Omu kukyaka abasibe aba okwakozirwe omu pooriisi ashendekyereziibwe Muhwezi na Kule,bazoire enshaho 2 z’ebihimba hamwe n’ebicoori ebyashangirwe omu musiri gw’ebicoori oguri haihi n’ekihome.

Omuramuzi Murungi na bwanyima yayongyerayo omushango ogu kuhisya ebiro 02.07.2024 obu okuhurira omushango kuragarukyemu. Abashatu aba bagaruka basindikwa aha rumanda kuhisya ebiro ebyo.

#WestUpdates