Omushaija omuri Otuke aitsire omukazi we n’empaango.

N’ebya Hudson Apunyo 

OTUKE

Pooriisi omu disiturikiti eya Otuke ekwatsire omushaija w’emyaka 38 ahabw’okugambwa kuba aitsire omukazi we n’empaango arikumutura obushambani.

Ceeyamaani w’egomborora eya Og, Jasper Okengo naagira ngu atungire okumanyisibwa ngu Jimmy Ogwel ateekateekire ngu omukazi we, Jennet Atim abaire aine omushaija ondiijo ahi amushangire akamuteera empango n’omuhoro.

Okengo naagira ngu omukazi ogu ow’omu kyaro nikyo kimwe abaire atwire omwe aha baana baabo aba omu clinic y’ahaihi kutunga okuragurirwa kandi ku bahikireyo babaheereza ekitanda baraarayo.

Ogwel ashangire Atim omu eirwariro omukasheeshe nikwo kusiga yashashura n’ebishare by’eirwariro beitu ku babaire nibagaruka omuka, aguriire omushaija we waragi ei amutwariire omuka.

Ku bahikire omuka, omushaija naagambwa kuba akwatsire empaango 2 n’omuhoro nikwo kutandika kubuuza omukazi we ngu nayenda kumanya yaaba atariire na mukama w’eirwariro.

Okengo naagira ngu Atim obaire ari omurokore aikiriize kuba yariire na mukama w’eirwariro, ekinyigiize omushaija akakwata omuhoro akamutema. 

Baariranwa bagyerizeho kuhika aha mwanya, bakwata omukazi obaire akirimu ak’okwisya barikwenda kumutwara omu eirwariro beitu eky’obusaasi afiire atakaihirwe omuka.

Omugambirizi wa Pooriisi ahabw’ekyanga ekya Aswa, Patrick Jimmy Okema yaagira ngu Pooriisi omuri Otuke eriyo necondooza omushango ogu.

#WestUpdates