Abantu babiri abarimu n’omu Pooriisi baitsirwe omuri Buhweju.

N’ebya Omushaki weitu

BUHWEJU

Omu Pooriisi obaire asindikirwe kuza kukwata omusibe omu tauni kanso ya Nyakaziba omu disiturikiti eya Buhweju aitsirwe omusibe ogwo.

Nikigambwa ngu aba Pooriisi babiri abarimu Christopher Olenge na Sunday Opiro kuruga aha Pooriisi ya Nyakaziba Town Council police station basindikirwe kuza kukwata Wilbroad Tumusiime aha mishango y’obutabanguko omuka.

Aba kubahikireyo, ceeyamaani w’entebe y’okubanza nikwo kuteerera esimu nyamusheija ogu (Tumusiime), akanjura aba Pooriisi n’okumushoboororera ekibaretsire. Kwonka, Tumusiime abetsize yaremera omu nju.

 
Omu Pooriisi Opiro ku agyerizeho okutaaha omunju kuraba omudirisa, Tumusiime amunyuriira yamutaasya omu nju.

Bwanyima y’akaire kakye, amasasi gahuriirwe omunda y’enju n’okucura kuruga ow’omu Pooriisi ou Tumusiime arikugambwa kuba atemire engaro n’ahamutwe akafa.

 
Olenge, nawe omu Pooriisi obaire aizire na Opiro kukwata Tumusiime abuzirwe oku arataahe omu nju kuhwera mutaahi we nikwo kwiruka akagaruka aha Police station yaabo kwenda abaramuhwere kandi aba bashangire Tumusiime yatorokire.

Opiro ashangirwe agwire kihuumura ari omu kyambu ky’eshagama atematemire munonga ebicweka bye by’omubiri. Airukangiziibwe omw’eirwariro ahu afeeriire ahabw’obuhuta. 

Beitu nikigambwa ngu Pooriisi nabwo eitsire Wilbroad Tumusiime orikuteekateekwaho kuba aitsire omu Pooriisi, Sunday Opiro.

Okucondooza kuriyo nikugyenda omu maisho.

#WestUpdates