Orutaro rwa Iran na America kuteganisa Uganda omu by’entaasya.- Prof Nuwagaba.

N’ebya Omushaki weitu

KAMPALA

Omuhwezi wa mukuru wa Bank of Uganda, Prof Augustus Nuwagaba nagira ngu emikyenjano eri omu Middle East n’omu kizinga kya Buraaya okutwariza gamwe neteganisa eihanga rya Uganda na munonga omu by’entaasya.

Nashaba abanyayuganda okwetebeekanisiza embeera egi, orutaro rw’omuri Iran rwaba rutemereziibwe.

Prof. Nuwagaba nagira ngu okurwana ahagati ya Russia na Ukraine hamwe n’orutaro orubarukireho ahagati ya America na Iran omu kyanga Kya Middle East byatandikire kuteganisa akatare k’amajuta n’emihanda erikurabamu eby’emishuuburo bitari bimwe na bimwe arikugira ngu eby’entambura nibyija kuteganisibwamu.

Nagira ngu emihendo amajuta yaheza kutemba, buri kimwe kyona nikitemba ebeeyi.

Prof Nuwagaba nahabura Uganda okureeba ngu yayongyera amaani omu bintu bitari bimwe ebirikurugwamu entaasya omuri n’okusharuura eby’okurya kubaasa kuhwera abanya-Uganda okwebiisaho.

#WestUpdates