Museveni asiimire CDF ahabw’okwijusya abanya-Uganda ebyafaayo bya UPDF.
Purezidenti Museveni nabwo ori omuduumizi mukuru wamahe g’eihanga atabaarukize abanya-Uganda ahabw’okujaguza Tarehe Sita ey'omurundi gwa 45.
Purezidenti Yoweri Museveni n'omukazi we Janet Kataaha Museveni ahari kyasya y'omurundi gwa 15 ey'okusiima ahabw'okujaguza Tarehe Sita ey'omurundi 15 ahari Mbuya, Kampala. Photo by PPU.
N’ebya Omushaki weitu
MBUYA, KAMPALA
Purezidenti Yoweri Museveni nashaba abanya-Uganda okukwatanisa bakakora n’amaani obwo baine okwikiririza omuri Ruhanga arikugira ngu ogu nigwo muhanda gw’amazima ogurikukuhisya aha businguzi.
Purezidenti agambire ebi ahari kyasya y’okusiima ahabw’okujaguza ekiro ky'amahe ekya Tarehe Sita ey'omurundi gwa 15 ebaire aha kitebe kikuru kyamahe omuri Mbuya nyomwabazyo ebiro 04.03.2026.
Bamwe omu baserukare abahikire ahari kyasya y’okusiima ahabw’okujaguza ekiro ky'amahe ekya Tarehe Sita ey'omurundi gwa 15 ebaire aha kitebe kikuru kyamahe omuri Mbuya ebiro 04.03.2026. PHOTOS: Miriam Namutebi.
Omukoro ogu gubaire guri ahansi y’omutwe, “ otaikiriza ekitabo eki eky’ebiragiro okukuruga omu kanwa, obwo nibwo oraabe omusinguzi”.
Purezidenti Museveni nabwo ori omuduumizi mukuru wamahe g’eihanga atabaarukize abanya-Uganda ahabw’okujaguza Tarehe Sita ey'omurundi gwa 45.
Arangiriire ngu habonekire eitaka ry’okwombekaho omwanya gw’ekijukizo ahari abo abaafeeriire omu rugamba rw’okuzaahuura eihanga arikugira ngu omwanya ogu nigwija kuhwera abantu omu biro bya nyensya okukyenga orugamba orwabiire omu eihanga hamwe n’ekibakubaasa kwega omu rutaro oru.
Omu kushaba kwe, Muka Mukuru w’eihanga, Janet Kataaha Museveni asiimire Ruhanga ahabw’okuhabura Uganda kumara emyaka 45, ahabw’embabazi ze aha mahe ga UPDF kuruga gataahirira enkambi ya Kabamba omu mwaka gwa 1981 hamwe n’omwoga muhango ogu ebitongore by’okwerinda bikozire omu kureeba ngu eihang ryaguma ririmu obusingye omu bwire bw'oburuuru obuherize kuteerwa hamwe n’obutebekana oburi omu kyanga eki.
Purezidenti Yoweri Museveni n'omukazi we, Janet Kataaha Museveni baheza kuhika ahari kyasya y’okusiima ahabw’okujaguza ekiro ky'amahe ekya Tarehe Sita ey'omurundi gwa 15 ebaire aha kitebe kikuru kyamahe omuri Mbuya nyomwabazyo ebiro 04.03.2026.
Owabaireho Aakibiishopu w’ekanisa ya Uganda, Henry Luke Orombi niwe abaire ari omugambi mukuru aha mukoro ogu oguhikirweho abakuru omu mahe, abanyadiini n’abandi bakuru kuruga omu gavumenti.
Owabaireho Aakibiishopu w'ekanisa ya Uganda, Henry Luke Orombi ahari kyasya y’okusiima ahabw’okujaguza ekiro ky'amahe ekya Tarehe Sita ey'omurundi gwa 15 ebaire aha kitebe kikuru kyamahe omuri Mbuya nyomwabazyo ebiro 04.03.2026.
#WestUpdates