Abantu 95 bakwateirwe okwejumbira omu kukora ebihagaro omuri Wakiso.
Pooriisi negira ngu omuhigo ogu gwizireho bwanyima y’abatuura b’omu kicweka eki kuguma nibetomboita ahabw’ebikorwa by’obuhenda biragiro kweyongyera omu kyanga eki.
Omugambirizi wa Pooriisi, Rusoke Kituuma arikugambaho n'abanyamakuru ahambuga nkuru za Pooriisi omuri Naguru, Kampala. PHOTO:
N’ebya Omushaki weitu
WAKISO
Pooriisi ekwatsire abantu 95 abarikuteekateekwaho kuba enkozi z’ebihagaro omuri Kira omu disiturikiti eya Wakiso.
Pooriisi negira ngu omuhigo ogu gwizireho bwanyima y’abatuura b’omu kicweka eki kuguma nibetomboita ahabw’ebikorwa by’obuhenda biragiro kweyongyera omu kyanga eki.
Omugambirizi wa Pooriisi, Rusoke Kituuma nagira ngu omuhigo ogu gwizireho bwanyima y’’okwetomboita kw’abatuura ahabikorwa by’obuhenda biragiro kukanya aha mikura eya kanyabwengye.
Okugamba ebi n’obuyaba nagambaho n’abanyamakuru Orw’okubanza ebiro 09.02.2026.
Kituuma nagira ngu omuhigo ogu gukozirwe omu bicweka bitari ebirimu; Kireke, Kamuli, omu katare aka Kyaliwajala n’omu bicweka ebindi ebi Pooriisi egambireho nk’ebirikubamu munonga ebihagaro ahi abarikuteekateekwaho barikukira kwekoramu guruupu bakatandika kunyangaraza abantu.
Omugambirizi wa Pooriisi nasiima abatuura ahi omuhigo ogu gukozirwe ahabw’okukwatanisa n’ebitongore by’okwerinda omukurwanisa enkozi z’ebihagaro.
Kituuma naagira ngu omuhigo ogu nigwija kugumizamu okuhisya obu ebihagaro birarwanisibwe.
#WestUpdates