Abaagarukire omukisharara kya Lubigi omubuhenda biragiro barekwirwe.
Ssentumbwe agambiire kooti ngu omushango ogu abantu aba barikujunaanwa nigwemererwa omu kooti egi kandi ngu beteekateekire kukuratira ebiragiro ebi kooti eraabateho.
Arikurekura abarikujunaanwa, omuramuzi orikuhurira omushango gwabo, Sienna Owomugisha aikiriize okushaba kwabo kw’okwemererwa. Photos by MARGRET ZALWANGO.
By NewVision Reporter
Journalists @NewVision
N’ebya Omushaki weitu
NANSANA: Kooti eya Standards, Utilities and Wildlife omuri Makindye eikiriize okwemererwa kw’abantu 15 abatwire aharumanda kumara haihi okwezi kumwe ahabw’okugambwa kuba baatwire omu kisharara kya Lubigi omuri Wakiso omubuhenda biragiro.
Guruupu y’abantu 15 kurabira omuri ba Puriida baabo beebembiirwe; Yasin Munnagomba Ssentumbwe kuruga omu kitongore ky’eby’obugabe bw’abantu ekya Foundation for Human Rights Initiative bahaireyo abeema 2 kandi buri omwe abaire aine ebihandiiko bya LCI birikworeka emyanya ei banyakujunaanwa barikurugamu.
Ssentumbwe agambiire kooti ngu omushango ogu abantu aba barikujunaanwa nigwemererwa omu kooti egi kandi ngu beteekateekire kukuratira ebiragiro ebi kooti eraabateho.
Abaagarukire omukisharara kya Lubigi omubuhenda biragiro barekwirwe.
Aba bongiire bashaba okwemererwa kw’esente ezitari z’oburiho ahabw’okugira ngu tibarikubaasa kushashuriraho esente ezo.
Omutonganiirizi wa gavumenti, Ram Kamara kuruga omu kitongore ekya NEMA aikiriize okushaba kwabo kw’okwemererwa beitu ashabire kooti okubataho ebiragiro bigumire ebirareetere abarikujunaanwa baguma nibaza omu kooti kuhurira omushango gwabo.
Nabwo, akyorekire ngu abarikujunaanwa abamwe babaire bataine ebaruha kuruga owa ceeyamaani w’ekyaro.
Arikurekura abarikujunaanwa, omuramuzi orikuhurira omushango gwabo, Sienna Owomugisha aikiriize okushaba kwabo kw’okwemererwa.
Abaagarukire omukisharara kya Lubigi omubuhenda biragiro barekwirwe.
Owomugisha arekwire abarikujunaanwa ahamusingo gw’esente zirikuhika shiringi 2,000,000 ezitari z’oburiho kandi abeema baabo baragiirwe kushashura omutango gwa shiringi 10,000,000 ezitari z’oburiho arikwongyeraho ngu nk’oku okucondooza kuhwire, tihaine ekishemereire kuzibira kooti kubarekura.
Abarikujunaanwa barimu; Prossy Namwima, Cissy Namwanje, Deborah Nakamya, Fred Mukulu, Charles Tibenkana, Musa Mwanje, Tadeo Ronald Mugume, Dorothy Nakabiri, Daisy Mutesi, Annet Najjumba, Teddy Najjumba, Teddy Nabasenya, Jonah Katushabe na Diana Nakiganda.
Abandi ni; Jovailo Ahimbisibwe,Margret Kyobura, Blessing Karungi, Nuru Nakawesa, Sofia kalule, Hood Kayondo, Deogratius Ntege, Julius Bagabe, Abdul Musanje, Madiina, Musoke Lozio, Vincent Kigozi, Wilbert Mwesigwa n’abandi.
omuramuzi orikuhurira omushango gwabo, Sienna Owomugisha aikiriize okushaba kwabo kw’okwemererwa.
Abarikujunaanwa boona abatuura ba Nansana West 11 A zone omu woodi ya Nabweru omu Munisiparite ya Nansana bakakwatwa tiimu y’abarikuta ebiragiro omunkora omu kitongore kya NEMA okwezi okuhwire ahabw’okushanga ngu tibararugire omu kisharara bwanyima y’okubinga abantu omukisharara eki okwakozirwe omu kwezi kwa 7, 2024.
Abahababi nabwo nibagira ngu abarikujunaanwa n’abandi abakibuzire kuruga okwezi kwa 7, 2024 kuhisya n’eriizooba omu kyaro ekya Nansana 11 A West zone omuri Nansana Munisiparite bakataho za tenti n’entundubaare omu kisharara kya Lubigi kuba nibauramu ahabw’akanyabwanya betaine rusa rwona kuruga omu b’obushoboorozi.
#WestUpdates