Naitwe twine Fr Ssekabira- UPDF.

N’ebya Omushaki weitu

KAMPALA

UPDF ehamize kubaine owabaireho chaplain w'eminyeeto ahabwa Dayosiisi ya Masaka, Rev. Fr. Dr. Deusdedit Ssekabira orikugambwa kuba abuziibweho ebiro 03.12.2025.

Orikukira nka Director w’eby’amakuru omu kitongore kya UPDF, Col. Chris Magezi omu kihandiiko eki ashohoize omumwabazyo gwa nyomwabazyo nagira ngu Rev. Fr. Dr. Ssekabira akumiirwe omu mwanya oguri omu biragiro ahabw’okugambwa kuba yayejumbiire omu bikorwa by’obutabanguko ebirikuhabya emirimo y’eihanga.

Col. Magezi nayongyeraho ngu Rev. Fr. Dr. Ssekabira naija kutwarwa omu kooti ajunaanwe. 

Fr. Ssekabira, omuhwezi wa bwana mukuru wa Bumangi Parish omu disiturikiti eya Kalangala nagambwa kuba yaabuzire bwanyima y’okugambwa kuba yabuziibweho ab’eby’okwerinda omu muringo gutarikwetegyerezibwa.

Orwamukaaga orwa wiiki ehwaire, Bishop wa Dayosiisi ya Masaka, Serverus Jjumba ashohoize ekihandiiko kirikushoborora omuringo ogu faaza yatwirwemu kuruga omu ofiisi ye. 

Faaza nagambwa kuba yatwirwe abashaija ababaire bajwire uniform y'amahe barikutamburira omu motoka ezirikumanywa nka drone.

#WestUpdates