Omushaija obaire nabuzaho abaana kubahonga akwatsirwe omuri Mpigi.

N’ebya Omushaki weitu

MPIGI

Pooriisi omuri Mpigi ekwatsire omushaija orikuteekateekwa kuba omufumu ahabw’okugambwa kuba nahooga abantu bwanyima y’okumushanga n’amagufa g’emitumbi y’abantu 7 hamwe n’obuhanga 6 (Skulls) omu buju bwe obu arikukoreramu emirimo ye y’obufumu.

Ivan Muwanga, 39 acungwirwe omu Pooriisi bwanyima yabatuura kumukwata bakenda kumwita.

Okukwatwa kwe kwizireho bwanyima y’okugambwa kuba abaire nayenda kubuuzaho omwana w’omwishiki emyaka 12 oizire akabagambira abazaire be ngu Muwanga amwirukangize n’ekigyendererwa ky’okwenda kumubuzaho.

Lydia Tumushabe, Omugambirizi wa Pooriisi ahabw’ekyanga ekya Katonga nagira ngu Muwanga obwa hati akomiirwe aha Pooriisi ya Mpigi central police station.

Tumushabe nayongyeraho ngu bimwe ahabicweka by'omubiri gw’omuntu bishangirwe omu buju bwe obu arikukoreramu emirimo ye y’obufumu kandi ngu ebicweka ebyo bibaasa kuba biri eby’omwana w’omwishiki w'emyaka 12 owabuzire wiiki ehwaire kandi omutumbi gwe na bwanyima gwizire gwashangwa omu kisharara kya Kalungi aharuguuto orwa Kampala-Masaka.

Ahitugiire kuhandiikira amakuru aga, Pooriisi ebaire ekiriyo neronda ekihandiiko kya kooti ky’okubikiriza bakacaaka amaka ga nyakuteekateka..

#WestUpdates