Kkwaaya ya Cherubim ecamudde abantu

Kkwaya ya Cherubim Chamber Chorale ekoze ekivvulu kyayo ekisoose bukya muggalo gwa Covid-19 guggyibwawo. Ekivvulu kino ekyayitiddwa Ubi Caritas (Lulattini, awali okwagalana n’okwagala), ky’abadde mu National Theatre mu Kampala. Kyetabiddwako abawagizi ba kkwaya eno bangi, abaabadde abasanyufu ennyo okulaba ku kkwaya yaabwe.

Kw 3

Dayirekita wa kkwaya eno, Jude Luwaga, y’ategeezezza nti ekivvulu baakikoze okujjukira mukwano gwabwe, omugenzi Jovanni-Rey De Pedro, eyali abeera mu Amerika, eyayagala ennyo Cherubim Chamber Chorale, era n’agyiwagira nnyo, ekiseera ekitono kyeyamala ng’akolagana nayo.

Kumulundi guno aba Cherubim Chamber Chorale baasinze kuyimba nnyimba ez’abayimbi ab’ensi, kyokka ngabazigasseemu amaloboozi amalala, n’ebivuga. Kyokka era nga bulijjo, mu ppulogulaamu yaabwe baataddemu n’ennyimba z’ediini entonotono.

Kw 10

Ennyimba zebaayimbye kwabaddeko Ani Yali Amanyi olwa Elly Wamala, Memories olwa Andy Beck, Can u fell the love tonight (Elton John, Tim Rice), O God beyond all praising olwa Gustav Holst, ne Proulx), Perfect olwa Ed Sheeran, Ubi Caritas olwa John Purifoy, Greatest Love (Linda Creed, Michael Nasser, Jay Althouse), Lead Me Lord (olwa John D. Becker, ne Mark Hayes) ne O Yezu Mpulira Nkwetaaga olwa Munsennyooli Expedito Magembe.

Kw 3

(arranged by Michael Mukisa).

Cherubim Chamber Chorale y’awerekeddwako aba Mseto Nation Band, nabo abaacamudde ennyo abantu