Green schools ; Kitante ssomero lya kibuga naye obutonde tebabusudde

KITANTE Hill School, limu ku masomero agasangibwa mu kibuga Kampala era bannakibuga bano engeri gye bakuumyemu obutonde bw’ensi, yeewuunyisa kubanga ku ssomero lino emiti egisingako mikulu ddala era tebagitemaokuggyak  okwongeramu emito we kyetaagisa.

Abayizi mu bisiikirize by’emiti egyetoolodde essomero.

EBYAFAAYO BYALYO
Essomero lino lyatandika mu mwaka gwa 1960 nga lyazimbibwa Bazungu era ng’abakozi ba gavumenti be baasooka okusomesezaamu abaana baabwe nga lyatandika lya balenzi bokka. Wabula kati, ssomero lya bawala n’abalenzi nga liva ku S.1 okutuuka ku S.6.

Enock Bakasabaruhanga, ono nga musomesa wa Chemistry ate nga y’omu y’akulira pulojekiti eno ku ssomero lino, agamba nti; Pulojekiti baali tebagitegedde era omu ku bayizi Angel Afoyo ye yajja n’ababuulira kye yali alabye mu mawulire nabo kwe kuwandiika era ne bayita mu kakuηηunta.

PULOJEKITI KI GYE BATUNUULIDDE
Okusinga essira tulitadde ku kukubaganya birowoozo wakati waabwe, era nga n’omwezi oguwedde mu mpaka z’okukubaganya ebirowoozo mu kitundu kya Kampala Central ffe
twasinga amasomero gonna. 

Okwo kwe twongereza okukola amanda nga gakolebwa abamu ku bayizi baffe. Buli awali ebbanga nga weetaaga okwongera omuti oba omuddo nabyo tubifuddeko.

Angel Afoyo, eyaleeta amawulire ga Green Schools Project.

ABAYIZI PULOJEKITI BAGITEGEDDE KYENKANA WA?
Mu ssomero lyonna abayizi abalimu bonna beenyigira mu kukubaganya ebirowoozo era olusoma luno okuva bwe lwatandika emiramwa gye tuteesaako kwekuli; biki abantu bye bayinza okukola okukendeeza ku mukka omubi.

Ate okukubaganya ebirowoozo bwe kiggwa, abayizi tubakubiriza bye twogeddeko tebabikomya ku kubiwuliriza, wabula balina n’okubissa mu nkola era nga n’abasinga baatandika dda.

Essomero lya Kitante Hill School nga bwe lifaanana nga lyetooloddwa emiti

OBUZIBU BWE BASANZE MU PULOJEKITI ENO
 Baagala nnyo okwongera okusimba ebimuli n’emiti egikula amangu naye obuzibu bwa ssente.  Weesanga nga essomero lirina bingi eby’okukwasaganya nga ssente z’ebintu nga bino teziriiwo.

 Ettaka tulina ttono ngaekyetaagisa k usimba bimuli mu baketi naye era obusobozi tetulina. 

 Obuzibu kati obukosa essomero lino mu by’obutonde, enkuba bw’etonnya olw’ensonga nti, essomero lino liri mu kibuga kkampuni zimanyi okusumulula kazambi ekivundu ne kitukosa ate nga ge makubo ge gamu abayizi baffe mwe bayitira nga baddayo awaka n’okujja ku ssomero.

Omusomesa Enock Bakasabaruhanga, akulira Green Schools Project ku ssomero lino.