Abaawangula eza Green School balaze byebakozeemu

ST Kizito High e Namugongo eraze byekoze mu bukadde 12  zebaawangula mu pulojekiti ya Green Schools nga baagulamu ebyuma ebikaza amawolu ne bakola emmere y’enkoko ne bisolo.

Essomero lino lyawangula ssente zino omwaka oguwedde , bwe ly'etikka engule ya masomero ag’enyigira mu  mpaka za  “Green Schools” etegekebwa Kkampuni ya Vision Group efulumya ne Bukedde nga bali wamu ne kitongole ekivunanyizibwa ku bye mmere mu nsi yonna ekya FAO ne Embase ya Sweden

EKIRUBIRIRWA KYA SSENTE EZAWANGULWA

Florence Nambejja Kikomeko nga ye kayungirizi we bikwata ku pulojekiti ya Green schools mu somero agamba nti bwetwafuna  ekirabo  kino  twasalawo okwongera  tekinologiya mu pulojekiti z’okukola emmere ye nkoko .

Abaana nga balaga ebyakolebwa mu ssente za Green School

Twasalawo okwongera  omutindo ku mawolu n'ebisigalira bye mmere abayizi  gye basuula ,tusobole  okukolamu  emmere ye nkoko ne  bisolo ebirala esobola okukuumibwa okumala ebbanga nga teyonoonese .  

Twagula  ebyuma bisatu ebikozesa tekinologiya ow’enjawulo  okukaza  amawolu  ne bisigalira by’emmere esuulibwa abayizi ku somero   .

Twalina ekigendererwa kya  kukendeeza ku nsasaanya yaabwe nga bakendeza ku mmere gye bagula okugabirira   enkonko ne bisolo  bye balunda  naddala mu biseera  abayizi nga   bali mu luwummula. 

Emmere gyebakola mu mawolu , abayizi ge basula  bagyekumisa ebiseera abayizi bwe batabawo ku somero kubanga  tewabeera mmere effikira.

EKYUMA EKIKOZESA EBBUGUMU LYE FFUMBIRO

Nambejja agamba nti ekyuma ekisooka kyayungibwa nga kikozesa bbugumu erivudde obutereevu mu ffumbiro okukaza amawolu .

Kirina tekinologiya ayunga payipu etambuza ebbugumu okuva mu sitovu kwebafumbira  mu  ffumbiro ne lituka mu kyuma kino ekikaza amawolu . Ekyuma kino era kirina ekifo ekirala wansi  we bakozesa amanda nga kikola lwe bagadde omuliro omungi  ddala .

Abaana nga balaga ebyakolebwa mu ssente za Green School

AMAANYI GENJUBA

Ekyuma eky’okubiri kikozesa maanyi g’enjuba . Kino bakiteeka mu musana  ku ma bbali ne  bazingirizaako  obuveera obuyambako obutayingiza musana  buterevu mu kyuma ekikaza .

Ekyuma kino nakyo kirimu amaasa ag’enjawulo agasengekebwamu ebintu ebyenjawulo ebikaala . EBYUMA EBIKUBA EMMERE

Ebyuma birala bibiri nga bikola omulimu gwe gumu gwa kumementula  amawolu agakaziddwa okufuka obuwunga obugabirirwa enkoko n’ebisolo . Ebyuma bino byanjawulo ng’ekimu kikuuba mmere ekaziddwa ,ekirala kitekebwamu amawolu nga bwegakunganyiziddwa ne baganyiga . a .

 BEZZEEYO MU MPAKA

Ezekiel Kazibwe nga ye mukulu we ssomero lino agamba nti bazzemu okwetaba mu mpaka zino eziyinda omwaka guno era bataddeyo pulojekiti zabwe ez’okukaza amawolu okulaba ng’ekirabo baddamu okukiwangula basobole okugaziya pulojekiti zabwe endala  .

Agamba nti pulojekiti y’okukola amanda mu kasasiro ye yabawanguza nga bagitandika mu 2013, ekyagoba enkola y’okukozesa enku mu somero lyabwe