Ebiwuka by’omu lubuto bigobe na kaddo ka kagiri

ABAANA batawaanyizibwa nnyo ebiwuka eby’omu lubuto olw’obucaafu bwe bayingiza buli kiseera ekizibu okwewalika.
Y’ensonga lwaki buli luvannyuma lw’emyezi esatu, abasawo bakubiriza abazadde okubawa eddagala erita ebiwuka by’omu lubuto.
Omwana alina olubuto takula bulungi kuba buli ky’alya ebiwuka bye bikikozesa omubiri ne gusigala nga gubanja.
Ekirala, bibawuukuula ne babeera nga tebakkuta, wadde abamu bye bibasukkako bitta omwoyo gw’okulya era bonna bakogga, bazimba obubuto, basiiwuuka, ate bwe bisukka bisobola okugenda mu bitundu by’omubiri eby’omugaso munda okugeza amawuggwe, ekibumba n’ebirala ne bikosebwa.
Joyce Nabatte, ajjanjabisa eddagala ly’obutonde agamba nti, ggwe alina omwana alina ebiwuka, funa akaddo ka kagiri okafumbe owe omwana anywe.
Kikole okumala wiiki emu ojja kulaba nga omwana ateredde.
Obusigo bw’amapaapaali nabwo butta ebiwuka by’omu lubuto