China ezzeemu okujooga America ne bbaluuni
CHINA eyongedde okujooga America bw’esitudde ekintu ekirala ekiringa bbaluuning’ekweseemu ebyuma ebikessi n’ekiyingiza mu America n’etagaza ennyonyi zaayo ennwaanyi ezitutte essaawa 24 nga zikirondoola okukikuba nga kikyabalyemye.
Ffuuti mw’etuumbirira
WASHINGTON, Amerika
CHINA eyongedde okujooga America bw’esitudde ekintu ekirala ekiringa bbaluuni
ng’ekweseemu ebyuma ebikessi n’ekiyingiza mu America n’etagaza ennyonyi zaayo ennwaanyi ezitutte essaawa 24 nga zikirondoola okukikuba nga kikyabalyemye.
Ekintu kino ekyabadde kitambulira ddala mu ngeri bbaluuni ya China enkessi eyakubiddwa America wiiki ewedde, kyayitidde ku lubalama lw’essaza lya Alaska
okuyingira America ne bakiraba ku Lwokuna olutalo lw’okukikuba ne lutandika.
Okusinziira ku mwogezi w’ekitongole kya White House National Security Council eky’amaka ga Pulezidenti wa America ekivunaanyizibwa ku by’obyokwerinda,
John Kirby baasoose kwebuuza ekiddako nga balaba ekintu kye batategeera nga kiseeyeeyeza mu ffuuti 40,000 nga kyolekedde America okutuusa lwe kyatuuse waggulu w’eriyanja lya Arctic we lyawulira ne Pacific era ng’amazzi ago gali munda mu America eggwanga eryo we lyawulira ne Russia.
Mu kunoonyereza okwamaze ennaku ebbiri, abeebyokwerinda baakizudde nti, ekintu kye baabadde balaba mu kkamera, ebyuma ebiketta ennyonyi ebya Radar n’ennyonyi ennwaanyi zennyini ekika kya F-35 eziwerako ze baayungudde okwekebejja ekintu
kino, baasazeewo okukikuba.
Ekitongole kya America ekiketta ebyokulwanyisa ebirumbye eggwanga eryo ekya North American Aerospace Defense Command (NORAD) bwe kyamalirizza
ogw’obukessi ebyazuuliddwa kyabikwasizza ekitebe ky’eggye lya America ekya Pentagon ekyasazeewo bwe bati;
l Kyategeezezza Pulezidenti Joe Biden owa America nti balina ekintu kye balaba mu ggwanga lye kyokka tebakitegeera naye kyandiba nga nakyo kisindikiddwa China okuketta nga bbaluuni gye buvuddeko eyakubiddwa ng’ekesse ebitebe bya mizayiro
n’ennyonyi ennwaanyi mu ssaza ly’e Montana.
l Biden era baamukakasizza nti bwe tulwawo okukikuba, kigenda kuba kituukidde ddala mu bantu abangi so nga singa bakikubira we kyabadde ate nga bizinga ebyetoolodde amazzi, emikisa mingi obutakuba bantu.
Ebyo Biden yabikkirizza ekitebe ky’eggye lya America ne kiyungula ennyonyi ekika kya F-22 Raptor eyakuba bbaluuni n’ekiyisaamu mizayiro ekika kya AIM-9X shortrange air-to-air missile mutasubwa.
Ennyonyi ezo zaasituse ku kisaawe ky’ennyonyi ennwaanyi ekya Joint Base Elmendorf- Richards mu ssaza ly’e Alaska ne zoolekera ne zikikuba ku ssaawa
7:45 ez’emisana mu budde obwabadde obw’ekiddedde.
Omuwandiisi w’ekitongole kya Pentagon, Brig. Gen. Pat Ryder yategeezezza bannamawulire ku Lwokutaano nga kyakakubwa nti tewali yalumiziddwa kyokka
kyagudde ku mazzi nga gakutte omuzira ku ngulu ekijja okubanguyiza okukinnyulula
okusinga ku budde bwe baamala nga bannyulula bbaluuni beekebegye ekituufu kye baakubye.
Nga tekinnakubwa, ennyonyi zonna ezaabasaabaze zaasoose kulagirwa kwewala kuyita mu kitundu ekyo okutuusa misoni lwe yawedde ne ziddamu okubuuka
ku Lwomukaaga nga bukya.