‘Tinkaguzaho ga ente zangye kuronda akaruuru’ – Purezidenti Museveni

‘Tinkaguzaho ga ente zangye kuronda akaruuru’ – Purezidenti Museveni

N’ebya Omushaki Waitu

Purezidenti Yoweri Museveni naarabura ab’eby’obutegyeki na munonga ab’ekibiina ekya NRM obutakozesa sente zaabo omuby’obutegyeki.

Purezidenti naagira ngu okukozesa sente omuby’obutegyeki kugarukamu ebizibu by’abantu n’enshobi y’amaani.

Purezidenti Museveni abugaineho abeebembezi ba NRM omuri Kampala..(Photo by PPU)

Purezidenti ebi abigambire nyomwabazyo obu abaire nabuganaho abantu 478 abakwatsire ebendera y’ekibiina ekya NRM hamwe na ba Ceeyamaani omu diviijoni 5 za Kampala aharimu Rubaga, Nakawa, Kawempe, Makindye na Kampala Central ahakishaayi ekya Kololo.

Purezidenti Museveni abugaineho abeebembezi ba NRM omuri Kampala..(Photo by PPU)

 Omu bigambo bye, Purezidenti ashabire abeebembezi kugambira abantu ebi barikuza kubakorera obwo barikwejunisa obugaiga bwa gavumenti zitari esente zaabo nk’abantu.

Ogu agizire ngu omumyaka ye 63 omuby’obutegyeki bwa Uganda, takaguzaho ga ente ze kuronda akaruuru.

Salim Uhuru, Meeya wa Kampala Central Divijooni..(Photo by PPU)

Hoona agarukire yaashaba abeebembezi aba kumanyisa abanya Uganda aha puroguraamu za gavumenti nk’eya PDM na Emyooga.

Bamwe ahabeebembezi ba NRM omuri Kampala...(Photo by PPU)

Purezidenti Museveni ashabire abeebembezi b’ekibiina kushagika eby’obutegyeki eby’obusingye omu eihanga kubaasa kutaho akatare k’emishuuburo y’abanya Uganda.

#WestUpdates